الشاعر بهاء الدين محمد ينتقد شيرين.. ودنيا سمير غانم تحتفل بعيد ميلادها في مكة | لايف

وجه الشاعر الغنائي بهاء الدين محمد انتقادًا لاذعًا إلى الفنانة شيرين عبد الوهاب، وذلك جاء بعد ظهورها أمس الجمعة في ليلة رأس السنة الميلادية، مع الفنانة إسعاد يونس، في برنامجها صاحبة السعادة.

وكتب بهاء الدين محمد على حسابه الشخصي في موقع التواصل الاجتماعي فيس بوك: أولًا، طول عمرى بقول الصوت اللي بيغني المفروض مايتكلمش نهائي ويغني وبس، وخاصةً لو مابيعرفش يتكلم.

وتابع بهاء: اللي بيغني لما بيتكلم وهو مش عارف هيكسب بكلامه إيه يبقى يسكت خالص ويعرف إن نجوميته وخبرته في الغنا وبس، مش في تقديم نَفسه صح، ومهما حاول اللي بيقدم البرنامج إنقاذه بردوا بيبان بصورة تاخد من نجوميته وتكشف المستوى اللي المفروض مايبانش للناس، حتى لو حافظ كلام أو مصطلحات أو حتى بيعرف يتكلم بلاش، واللي بأقوله ده منهج اللي عارفينه هيفهموني. 

كما أضاف: ثانيًا، والأخطر من كده لازم يعرف يلبس إيه وامتى وفين، لأن الأخطاء في اختيار اللي بيغنيه ممكن جماهيره تغفر له أي حاجة لأنها بتحبه ولكن لما يكون فاشل في الكلام واللبس بيخسر جزء من نجوميته في كل حوار، وباختصار لا بد من إدارة قوية لكل صوت ما بيعرفش يدير نفسه ويسكت ويسمع الكلام، معلش أصل الموضوع مش صوت حلو وبس.

دنيا سمير غانم تحتفل بعيد ميلادها بمكة

وفي سياق آخر، تحتفل الفنانة دنيا سمير غانم، اليوم السبت 1 يناير، بعيد ميلادها الـ37، وذلك بعد حالة من الحزن والحداد عاشتها؛ بسبب فقدانها لـ والديها الفنانين سمير غانم ودلال عبد العزيز، ولكن احتفلت دنيا بطريقة جديدة ومختلفة، حيث أدت مناسك العمرة مع شقيقتها إيمي سمير غانم في الحرم المكي، وحرصت من خلالها على الدعاء لوالديها الراحلين الفنان سمير غانم والفنانة دلال عبد العزيز.

كما نشرت دنيا سمير غانم صورة لها من داخل الحرم المكي مع شقيقتها إيمي سمير غانم، وهذا عبر خاصية الإستوري على حسابها الشخصي في موقع الإنستجرام، وقالت: شكرًا لكل النعم اللي على شكل جمهور، اللي تعبوا نفسهم وعملوا فيديوهات جميلة أوي عشان عيد ميلادي، النهاردة كان يوم صعب أوي عليا وعلى إيمي، لكن الحمد لله ربنا كتب لنا عمرة، ودعينا من قلبنا لحبايبنا الغاليين بابي ومامي.