مصرع فتاة في حادث تصادم بمحور عرابي.. وشهود العيان: عاوزين كوبري مشاة عشان عيالنا | بث مباشر

لُقيت فتاة مصرعها على طريق محور الفريق إبراهيم عرابي، الذي يقع في محيط منطقة مدينة السلام، اليوم الأحد، وذلك أثناء مرورها من على الطريق عقب خروجها من مدرسة قباء الإعدادية.

شهود العيان على الحادث

وقالت إحدى شهود العيان: أنا كنت مستنية بنتي تخلص درسها عند الطريق، وفجأة ببص لقيت حاجة طايرة فوق وقعت على الطريق تحت، لقيت بنت وقعت على وشها ومافيش 3 دقائق ودمها كان مغرق الطريق كله، والناس جابوا ملايات عشان يغطوها لحد ما أهلها وصلوا وخدوها.

كما أوضحت إحدى شهود العيان، أنها لا تطلب شيء صعب ولكنها تريد طريق ممهد أو كوبري مشاة من أجل العبور من عليهما دون وقع أي حوادث أو خسائر.

وتابعت حديثها: أنا ست على الله وبشتغل عشان أساعد جوزي ونكفي مصاريف مدارس عيالنا، فـ مين هيوديهم ويجيبهم من المدرسة، منقدرش حتى ندفع ثمن توكتوك يودي وتوكتوك يجيب، إحنا عاوزين كوبري بس عيالنا تعدي من عليه والناس الكبار كمان يعدوا عليه، أنا كمان معايا 4 عيال بعديهم من الطريق ده وببقى خايفة عليهم.