الخميس 28 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شاب يعتدي على والدته بسلاح أبيض ويحرق منزلها بالإسماعيلية.. والضحية: بهدلني ورماني في الشارع | بث مباشر

استغاثت السيدة جمالات والتي تبلغ من العمر 62 عامًا وتعيش في محافظة الإسماعيلية، من معاناتها من سوء معاملة نجلها لها، والذي أقبل على الشجار معها أكثر من مرة من واستخدم السكين، بالإضافة إلى أنه أشعل النيران في المنزل التي كانت تُقيم فيه مما تسبب في تشردها في الشوارع.

وقالت السيدة جمالات: أنا ست مريضة وابني تعبان من المخدرات اللي بيشربها، ومبهدلني معاه وبيتخانق معايا وضربني بالسكينة قبل كده روحت المستشفى وكنت هموت، بقالي 11 سنة بجري عليه عشان أعالجه بس مبقاش حيلتي حاجة، وكمان هو كسر حاجتي كلها اللي كانت في الشقة وولع فيها واترميت في الشارع، بس مقدرش أعمل فيه محضر ميهونش عليا عشان ابني.

الأم الضحية تناشد المسئولين

كما طالبت الأم الضحية أن يساعدها أي مسئول أو حتى أي مواطن، حتى تستطيع أن تُعالج ابنها من إدمان المخدرات، لافتة إلى أنهم توجهوا به إلى إحدى مستشفيات علاج الإدمان ولكنهم رفضوا حالة ابنها ورفضوا أن يُعالجوه.

وتابعت الضحية حديثها: ابني بيضربني وبيبهدلني وأنا ست كبيرة ومبقتش مستحملة اللي بيعمله فيا ده، أنا لوحدي ومحدش بيسأل فيا من أهلي والناس كلها كرهتنا بسببه، وأنا بناشد المحافظ وأي مسئول إنهم يودوا ابني المستشفى ويعالجوه.