مقتل شاب على يد 30 بلطجيا بالغربية.. وزوجته: قهروني وخدوا جوزي من حضني | بث مباشر

يعيش أهالي قرية إبشواي الملق التابعة لمركز قطور في محافظة الغربية، حالة من الهلع والرعب، وذلك بسبب خوفهم من مجموعة من البلطجية الذين يطلقون على أنفسهم الحملة ويبلغ عددهم نحو 30 فردًا، حيث أنهم يستغلوا ضعف الأهالي ويعتدون عليهم، بالإضافة إلى أنهم لا يشعروهم بالأمان في معظم الأحيان.

وأقبل هؤلاء البلطجية على قتل شابًا يدعى أحمد، والذي يبلغ من العمر 29 عامًا، وكان يعمل كـ نقاش، وجاء ذلك بعد أن خطفوا شقيقه أثناء عوته من محافظة القاهرة وسرقة نقوده.

تفاصيل الواقعة

كما كشفت زوجة الشاب أحمد الضحية تفاصيل واقعة مقتل زوجها، فقالت: عبدالله أخو جوزي كان راجع البيت بليل في وقت متأخر، والبلطجية دول طلعوا عليه وخطفوه وبعدين جردوه من هدومه وسرقوا كل فلوسه اللي كانت معاه.

وتابعت: لما جوزي عرف باللي حصل قرر إنه يروح لـ البلطجية دول ويتصالح معاهم عشان ميحصلش أي مشاكل، بس وهو مروح بهدلوه وضربوه بـ السكاكين وعوروه بـ جروح خطيرة في إيده ورجله ودماغه، وكمان في والدة واحدة منهم ضربته بـ الحجر على دماغه حتى بعد ما كان وقع في الأرض ومات وكان بين إيدين ربنا، وهو في الآخر نيته كانت الصلح ومكنش عاوز يتخانق معاهم وفي الآخر غدروا بيه ومات وملحقش يفرح بنفسه ولا حتى بعياله سايب وراه 4 يتامى، خدوا جوزي مني وهو في حضني.

استغاثة زوجة الضحية

بينما ناشدت زوجة الشاب أحمد الضحية بالقصاص من البلطجية الجناة، وقالت: أنا اتقهرت وماليش حد غيره في الدنيا، أنا عاوزة حقه وحق شبابه، وحق إنه ملحقش يفرح بـ شبابه عشان ينام في تربته مرتاح وأنا ناري تبرد.