بائعة خضار بالجيزة تعول 7 أطفال تستغيث: مديونة بـ40 ألف جنيه وماليش غير ربنا | بث مباشر

تكافح إحدى السيدات من أجل توفير مصدر دخل بالحلال لها ولأولادها، والذين تفترش بهم الأرض في شارع فيصل في محافظة الجيزة؛ من أجل بيع بعض الخضروات والفاكهة، حتى تُجني بعض الجنيهات التي تستطيع من خلالهم أن تتكفل باحتياجاتها الضرورية هي وأولادها.

معاناة السيدة بائعة الخضروات والفاكهة

وقالت السيدة بائعة الخضروات والفاكهة: ربنا وحده هو اللي عالم بظروفي وأنا ماليش غيره، وأديني قاعدة في الشارع أهو مديونة بـ 40 ألف جنيه جوزت بيهم بنتي من حوالي سنة ولحد دلوقتي مش عارفة أسددهم.

كما أوضحت أنها تعول 7 أطفال، وواحدة منهم هي بنت من ذوي الاحتياجات الخاصة ولا تستطيع أن تتحدث تمامًا، وهي ابنة سيدة متوفية كانت الزوجة السابقة لـ زوجها الحالي، لافتًا إلى أن زوجها مُصاب بـ كسور في ضلوعه ولا يستطيع أن يعمل وكذلك فهي لا تستطيع أن توفر الأدوية الضرورية له من أجل علاجه، وقالت: جوزي مبيقدرش يشتغل ومافيش ولا جنيه في جيبه ولا قادر ينفعني بأي حاجة وربنا هو اللي عالم بظروفه.

استغاثة السيدة بائعة الخضروات والفاكهة

وأضافت بائعة الخضروات والفاكهة في شارع فيصل: أنا عايشة في أوضة تحت السلم وحالتها مش كويسة، بس أنا راضية باللي ربنا كتبهولي، بس نفسي أي حد يساعدني باللي يقدر عليه ويلمني من قاعدة الشارع دي أنا وعيالي، ونفسي في سكن كويس أعيش فيه أنا وعيالي بدل ما احنا قاعدين تحت السلم.