الأحد 03 يوليو 2022
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

بث مباشر| مُسنّة تستغيث من ابنها المُدمن بالمطرية: أنقذوني منه بيضربني ودمّر حياتنا وأنا ماليش حد

استغاثت سيّدة تبلغ من العمر 71 عامًا وتعيش في منطقة المطرية، من ابنها المدمن، الذي يبلغ من العمر 37 عامًا، حيث يعتدي عليها بالضرب لإعطائه أموالًا لشراء المخدرات التي يتعاطاها.

الأم تروي التفاصيل

قالت والدة مدمن المطرية: “ابني بيعتدي عليّ بالضرب باستمرار وعايز مني فلوس علشان يجيب بيها مخدرات يتعاطاها”، مشيرة: “أنا ماعييش فلوس وإحنا أسرة بسيطة، ولو مادتلوش بيكسر كل حاجة في البيت وبيضربني، وبيجبرني أستلف فلوس من الناس لحد ما بقيت مديونة لناس كتيرة”.

وأضافت: “أنا ماعنديش حد، وإخواتي اتنين ماتوا في يوم واحد، وكل لمّا الناس يكلموه مابيسمعش كلام حد وبعد ما يمشوا يضربني”.

وتابعت: “أنا باشتغل في البيوت علشان أصرف عليه وودّيته مصحة قبل كده علشان يتعالج، لكن بعد لمّا ييجي بيروح يتعاطى مخدرات تاني ويرجع زي ما كان”.

واستغاثت قائلة: “أنا تعبت منه، وباشتغل وباصرف عليه، وأوّل ما بارجع من الشغل ألاقيه واقفلي على الباب وعايز فلوس”، مضيفة: “أنا بقيت خايفة منه، وهو بيضربني على طول والجيران بيتفرجوا عليّ”.

واستكملت: “كل يوم الناس بتتفرّج عليّ، وسبتله البيت ورحت سكنت عند بنتي جه وضرب بنتي على دماغها، وحصلت لها تورّمات في وجهها بسببه”.

وتابعت: “أنا نفسي الناس يساعدوني، وهو يدخل مستشفى ويتعالج، لأني تعبت منه”. 

                     
                                   

ﺗﻔﻀﻴﻼﺕ اﻟﻘﺮاء