شاب يهدد فتاة بصور خادشة للحياء بالشرقية.. وأسرتها: رفضنا يتجوزها وشهر بيها على الصفحات | بث مباشر
شهد مركز الزقازيق في محافظة الشرقية، واقعة تهديد وابتزاز شاب لفتاة تدعى هاجر، وذلك من خلال صور خادشة للحياء لها مفبركة، وإنشاء حسابات أيضًا مفبركة باسمها على مواقع التواصل الاجتماعي؛ وذلك بسبب رفض أهل الفتاة هاجر زواجها من هذا الشاب.
حديث عم الفتاة هاجر ضحية الابتزاز
وقال عم الفتاة هاجر الضحية: كان في شاب أتقدم عشان يخطب هاجر بنت أخويا، والشاب ده في صلة قرابة بيني وبينه من ناحية الأم ويعتبر كأنه متربي في بيتي مع ولادي وأسرتي، ولما جه يتقدم لـ هاجر كانت لسه بتدرس في تانية ثانوي فـ رفضنا عشان كده وقولنا له إنها لسه بتدرس وقدامها طريق طويل في الجامعة وخلاص الموضوع اتقفل.
كما أوضح عم الفتاة هاجر، أن ابنة شقيقه التحقت بالجامعة وهي الآن مقيدة في قسم علم نفس بكلية الآداب، وتمت خطبتها في العام الماضي على شاب آخر، ولكنهم تفاجأوا بأصدقائها يتواصلوا معها ويخبروها أن هناك حسابات على مواقع التواصل الاجتماعي باسمها ويوجد عليه صورها الخاصة.
وتابع: تفاجأنا بالتمادي والشاب ده عمل أكتر من أكونت لـ هاجر ومنهم أكونت عام وعليه صور وفيديوهات مسيئة وخادشة للحياء وفيها إيحاءات جنسية، وبعد كده بدأ يحط صور هاجر في جروبات كتيرة لحد ما انتشرت في كل حتة تقريبًا والناس بقت تساعدنا نقفل الصفحات دي، بس الموضوع تطور وبقى يعمل حسابات بأسماء باقي العيلة بتاعتنا وينشر عليها صور بناتنا.
