مصرع فتاة على يد ابن عمتها بالجيزة.. ووالدها: قتل بنتي بعد ما كان متربي معانا | بث مباشر

شهدت منطقة أوسيم في محافظة الجيزة، واقعة مأساوية أدخلت الرعب والفزع على أهالي المنطقة، وهي واقعة مقتل طفلة تدعى أمل وتبلغ من العمر 15 عامًا على يد ابن عمتها.

حديث والد الطفلة الضحية

وقال والد الطفلة الضحية: أنا كنت برا مش في البيت وحد رن عليا وكلمني قالي في حاجة غريبة عندك في البيت تعالى بسرعة، وبعد ما روحت لقيت البيت عندنا مليان ناس ولقيت بنتي في أوضة النوم مدبوحة وفي وضع وحش جدًا، وأنا واثق في القضاء والحكومة إنهم يجيبلونا حق بنتي وأنا بطالب بالإعدام، عشان بنتي كانت أغلب من الغلب وكان تعرف ربنا كويس.

كما تابع: أنا مش عارف إيه اللي يخليه يعمل كده ده متربي معايا في بيتي، ولما راح خبط على باب البيت بنتي فتحتله من غير أي خوانة لأنه كان متعود إنه يجي عندنا البيت، وبعد ما دخل عمل فيها بقى اللي عمله وكل ده بان بعد كده من الكاميرات.

حديث شهود العيان على الواقعة

وأضاف أحد شهود العيان على الواقعة، أن الشاب المتهم قبل معرفة أنه هو مرتكب جريمة قتل ابنة خاله، كان حريص على أن يظهر وهو حزين ويبكي أمامنا بـ ادعاء أنه حزين على ما حدث لابنة خاله، فقال: كان واقف معانا وعمال يقول بنت خالي يا بنت خالي مين عمل فيكي كده وكان بيساعد ظباط الشرطة لما جم يحققوا عشان يعرفوا إيه اللي حصل، وفي الأخر لما اكتشفوا إن هو اللي عمل كده مثل الجريمة وقال على كل حاجة عملها وجري جاب السكينة اللي قتلها بيها.