مرتضى منصور: ماخدتش حاجة من مجلس النواب عشان أنا شريف.. وأتحدى أحمد سليمان يقول مصدر ثروته | فيديو
عقد المستشار مرتضى منصور، اليوم الإثنين الموافق 14 من فبراير الجاري، مؤتمرًا صحفيًا في مقر نادي الزمالك بمنطقة ميت عقبة، وهو الأول له بعد أن فاز برئاسة مجلس إدارة نادي الزمالك، وذلك في الانتخابات التي أُجريت في يوم الجمعة الماضي 11 من فبراير الجاري.
مرتضى منصور يهاجم أحمد سليمان
وأثار المستشار مرتضى منصور خلال المؤتمر الصحفي، حالة كبيرة من الجدل بسبب تصريحاته التي أدلى بها، حيث قال موجهًا حديثه إلى الكابتن أحمد سليمان: على فكرة أعضاء مجلس النواب بيكتبوا إقرار ذمة مالية لما بيخشوا ويخرجوا، وأنا دخلت مجلس النواب وماخدتش ولا أرض ولا عمارة ولا شقة، عشان أنا محترم وشريف مش حرامي، وأتحدى أحمد سليمان يقول هو جايب ثروته منين.
كما هاجم مرتضى منصور، الكابتن أحمد سليمان أكثر من مرة خلال المؤتمر الصحفي، حيث قال له: مين أنت يلا عشان تهدد الدولة المصرية؟ أنت ياللي قد كده بتهدد الدولة المصرية، ده أنت كلك فساد، والدولة المصرية مش هتقبل التهديد من أي عيل زيك تافه وفاسد، هو إيه الفرق بينك وبين الإرهابيين أصلًا؟
أبرز تصريحات مرتضى منصور خلال المؤتمر الصحفي
- أحمد موسى بيعمل فتنة بين الأهلي والزمالك، وأحمد سليمان دوبلير ممدوح عباس.
- الحمدلله إن مرتضى منصور أول رئيس في تاريخ نادي الزمالك لمدة 4 دورات بفضل الله بثقة الأعضاء، والانتخابات اللي قبل كده كان كلها تزوير.
- اللي حصل في نادي الزمالك يوم الانتخابات كان مهزلة، واللي عملوا كده ده شوية عيال مستحيل يكونوا من أعضاء النادي، دول بلطجية اللي مدخلهم أحمد سليمان.
- ربنا ستر يوم انتخابات مجلس إدارة نادي الزمالك من البلطجية اللي كانوا موجودين.
- بشكر أعضاء الجمعية العمومية ومهما هقول أنا ممتن ليهم حتى اللي مدونيش صوتهم.
