مصري يعلن توفيره تذاكر طيران للطلاب العالقين في رومانيا: لازم أساعدهم في المحنة دي | بث مباشر

أعلن رحالة مصري يدعى عمرو بدوي، تقديم مساعدات إلى الطلاب المصريين العالقين بين أوكرانيا ورومانيا، وخاصةً بعد المعاناة التي يعيشوها بسبب إعلان روسيا الحرب على أوكرانيا منذ يوم الخميس الماضي.

مساعدة الرحالة المصري لـ الطلاب المصريين العالقين

وقال الرحالة المصري عمرو بدوي: زعلان جدًا على الموقف اللي حصل وحاسس إن الطلبة دول كلهم صغيرين ومحتاجين حد يساعدهم، وبصراحة كل المصريين اللي عايشين حوالين أوكرانيا عملوا مبادرات كتيرة عشان يستضيفوا الطلبة والنازحين والعالقين.

كما أضاف الرحالة المصري عمرو بدوي، أنه فكر في عمل مبادرة من أجل التطوع لمساعدة المصريين الذين خرجوا من أوكرانيا هربًا من القصف الروسي، فقال: هي كانت فكرة غريبة شوية بس أنا قولت لازم الواحد يساعد بأي حاجة في المحنة دي.

وأشار إلى أنه يملك شركة للسياحة لذلك فكر في توفير تذاكر طيران إلى الطلاب المصريين العالقين، وقال: أنا ممكن أساعد الناس دي وأشوف لهم تذاكر طيران واللي أقدر أوفره ليهم، وده يعتبر كـ تبرع مني ومن شركتي، فـ هديهم تذاكر طيران يقدروا يرجعوا بيها.

واستكمل الرحالة عمرو بدوي حديثه: أنا كتبت بوست على صفحتي على الفيس بوك اللي اسمها بالعربي والإنجليزي عمرو بدوي، وقولت من خلال البوست ده إني متبرع بـ 10 تذاكر على حسب مقدرتي المادية لأي حد مزنوق ووصل رومانيا ومحتاج مساعدة.