السيسي: المرتبات في مصر منخفضة.. ولو عليا عاوز أدي كل مواطن 30 ألف جنيه | بث مباشر

تحدث الرئيس عبد الفتاح السيسي، رئيس الجمهورية، اليوم الاثنين، 28 من شهر فبراير الجاري، خلال إطلاقه لـ المشروع القومي لتنمية الأسرة المصرية في العاصمة الإدارية الجديدة، عن حرص الدولة المصرية على احترام حقوق الإنسان.

أبرز تصريحات الرئيس عبد الفتاح السيسي

وقال الرئيس عبد الفتاح السيسي: الناس مش مبسوطة ومش راضية ومش عارفين ليه، بدل ما نقول إحنا المواطنين أدائنا متواضع عملنا الدولة خِصم، الناس بتتخانق عشان تغشش ولادها عشان تقول ابني معاه شهادة شغلهولي بقى.

كما تابع الرئيس السيسي: الناس خرجت في 2011 لأن حالة الرضا المجتمي مش موجودة، الناس ملقتش تعليم ولا صحة جيدة وده سبب عدم رضاهم، وحقوق الإنسان اللي أعرفها توفير سكن وتعليم وصحة وكويسين، المرتبات في مصر مرتبات دُنيا وأنا لو عليا عاوز أدي كل مواطن 30 ألف جنيه في الشهر.

وأوضح الرئيس عبد الفتاح السيسي قائلًا: أنا كنت مواطن زي كل المواطنين وعشت في البلد دي وقولت ليه الوضع كده؟ وكنت بقول ليه المستشفى بتاعتنا بالمستوى دى؟

بينما حرص الرئيس السيسي، خلال حضوره فعاليات إطلاق المشروع القومي لتنمية الأسرة المصرية على التحدث في قضية حقوق الإنسان، فقال: حريص على التحدث في ملف حقوق الإنسان لأن معندناش حاجة نخبيها، إحنا عندنا قضية غير معلومة وهي التحديات اللي بنواجهها.