الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

صانع فوانيس رمضان بالدرب الأحمر: الاستيراد وقف شغلنا 4 سنين.. وبقيت أعمل الفانوس حسب مزاج الزبون| فيديو

تحدث المواطن سيد محمد محمود، الذي يبلغ من العمر 42 عامًا، ويعيش في منطقة الدرب الأحمر بمحافظة القاهرة، عن تفاصيل وأسرار من مهنته الذي يعمل بها كـ صناع لفوانيس شهر رمضان المبارك.

حديث صانع فوانيس رمضان بالدرب الأحمر

وقال المواطن سيد محمد محمود، إنه يبدأ عمله منذ الصباح الباكر كل يوم، حيث يتوجه إلى المخزن؛ لنقل ما يحتاجه من أدوات لأداء عمله بالمحل الخاص به، مشيرًا إلى أنه يستمر في أداء عمله حتى الساعة واحدة بعد منتصف الليل.

وواصل صانع الفوانيس، حديثه عن مهنته: شغلتي دي هي وراثة عن والدي لأخويا الكبير، ومن أخويا الكبير ليا أنا، وطول عمرنا واخدين على شغلنا إنه شقى؛ عشان أنا بشتغل في النار، وساعات بتسلع منها، بس كل الكلام ده إحنا واخدين عليه، وواخدين على الشقى من صغرنا، وفي الأول كنا بنشتغل كل حاجة بـ إيدينا من الأول للأخر.

وأضاف المواطن سيد محمد محمود، أنهم كانوا يصنعون فوانيس شهر رمضان من الصاج، ولكن استيراد الفوانيس من الخارج؛ أدى إلى تعطيل جزء كبير من عملهم، موضحًا: الفوانيس في الأول كنا بنعملها من الصاج، لكن دلوقت دخل الاستيراد، وبوَّظ الدنيا معانا، ووفقنا حوالي 3 أو 4 سنين، ولما الاستيراد اتقفل وبدأنا نصنع تاني؛ بقينا نعمل الفوانيس من السلك، وكل سنة لازم أعمل جديد، وبقيت أعمل الفانوس 3 حتت؛ عشان حجمه، والناس اللي عاوزه تشتريه؛ ماتلاقيش مشكلة.