كفيف يعول 4 أطفال يكشف معاناته: اشتغلت بياع مناديل عشان ما أمدش إيدي لحد | بث مباشر

تحدث الحاج محمد فاروق الذي يقيم في منشية ناصر، عن تفاصيل قصته والمعاناة التي يعيشها هو وأسرته منذ 15 عامًا، فقال: حصلي حادثة عربية في مدينة 6 أكتوبر من يومها وأنا حياتي اتقلبت رأسا على عقب.

الحاج محمد يكشف معاناته في الحياة

وقال الحاج محمد فاروق: الحادثة دي تسببت بـ كسر في  كتفي وقطع في 3 شرايين، وعينيا حصل فيهم مشاكل لحد لما نظري راح بالتدريج، مضيفًا أنه يعول 4 أطفال وزوجته مريضة نفسية ومُصابة بـ الوسواس القهري، وتلازم المنزل دائمًا.

وتابع حديثه قائلًا: أنا كفيف من 15 سنة، وملقتش حد يعولني أنا وأسرتي، فقررت أبيع مناديل علشان أعرف أصرف على عائلتي.

كما أوضح الحاج محمد أنه لا يملك أي مصدر رزق آخر غير بيع المناديل، فقال: عايش أنا وأسرتي من بيع المناديل والحمد لله إني مش بمد إيدي لحد، ربنا بيرزقني في اليوم بـ  30 أو 40 جنيه بعيش بيهم أنا وعيالي، وبقالي أكتر من 10 سنين قاعد القاعدة دي وفيه ناس بتساعدني، سواء بـ أكل أو بطانية أتدفّى بيها من البرد عشان ببات في الشارع.

وناشد الحاج محمد فاروق المسؤولين، حيث قال: محدش بيسأل فينا، وأنا يعتبر إني عايش ميت بعاني من ظروف الحياة وعايز حد يساعدني من المسؤولين.