الأم المثالية ببورسعيد: عانيت بعد وفاة زوجي.. وشقيت على أولادي وأصبحوا دكاترة | بث مباشر

حصلت السيدة ميرفت عويضة، وهي من محافظة بورسعيد، على لقب الأم المثالية، اليوم الأحد الموافق 20 من شهر مارس الجاري، وذلك تزامنًا مع احتفالات عيد الأم، حيث كافحت من أجل تربية أبنائها مينا وميرنا، بعد وفاة والدهما منذ عدة سنوات.

حديث السيدة ميرفت عويضة عن معاناتها بعد وفاة زوجها

وقالت السيدة ميرفت عويضة، إنها تعمل كـ مسئولة لشئون الطلبة في مدرسة التيمورية في محافظة بورسعيد، ومن المقرر أن تخرج على المعاش خلال شهر أغسطس المقبل، لافتة إلى أنها كانت تحصل على معاش زوجها بعد وفاته، والبالغ 500 جنيهًا فقط، وكان راتبها يُقدر بـ 350 جنيهًا.

واستكملت السيدة ميرفت عويضة حديثها: كان أول يوم امتحان لابني مينا، وكنت نازلة معاه أنا وباباه، فـ راح قاله يا مينا خلي بالك من ماما، واتفاجئت بعدها بشوية وأنا في الشغل، بـ اتصالات هاتفية؛ قالولي إنه توفي، ووقع قدام المدرسة اللي كان بيشتغل فيها، والدكاترة شخصوه إنه جاله سكتة قلبية، والموضوع بالنسبالي مكانش سهل أبدًا، ونفسيتي تعبت وروحت لدكاترة وعانيت كتير.

وأضافت السيدة ميرفت، أن أبنائها مينا وميرنا؛ كانا دائمًا يسانداها ويحاولان طمأنتها  وعدم الخوف من شيء، بعد معاناتها بسبب وفاة والدهما، حيث قالت: كانوا بيقولولي.. يا ماما متخافيش إحنا معاكي وكانوا بيساندوني، وجوزي كان نفسه دايمًا إن مينا يبقى صيدلي، وميرنا تبقى دكتورة، وفعلًا ده اللي حصل، وحققوا اللي والدهم كان عاوزه، بعد ما شقيت عليهم عشان أوفرلهم اللي عاوزينه.