محمد الشوربجي: إنجلترا ادتني الدعم اللي مقدمتهوش ليا بلدي.. والقرار صعب وكبير جدًا عليا | فيديوجراف

ظهر محمد الشوربجي لاعب الاسكواش للحديث عن اختياره لمنتخب إنجلترا، حيث قال إنه لم يكن قادرًا على اتخاذ القرار واستغرق 4 أشهر في التفكير، مضيفًا: عقلي كان بيقولي أعمل حاجة وقلبي بيقولي حاجة تانية خالص، ولكنه في النهاية اختار القرار الذي سيساعده لإكمال ما تبقى له في اللعب بمستوى عالٍ، فقال: مش لازم أبقى رقم واحد في العالم، بس اسمي يبقى من اللعيبة اللي هتفوز باللقب.

محمد الشوربجي لاعب الاسكواش يمثل منتخب إنجلترا

ووضح الشوربجي الأسباب العملية التي جعلته يختار إنجلترا، وهو أنه كلما تقدم في السن يحتاج طبيب ومدرب خاص في كل بطولة وهذا لم يتوفر له في مصر، حيث قال: إنجلترا جات أدتني كل الدعم اللي أنا محتاجه، الموضوع مش مادي خالص.. لكن في تأمين لو حصلي أي حاجة، قعدت سنين كتير جدا محدش فكر فيا، فكان لازم ييجي وقت وأفكر في نفسي.

وأظهر اللاعب حزنه من تواجد جميع اللاعبين على البوستر في المطار ولكن هو الوحيد الذي لم يكن له صورة، موضحًا: كانت بتجرحني.

وتحدث محمد الشوربجي عن مسيرته في الإسكواش، وأنه فاز بـ 44 بطولة كأكثر مصري يفوز ببطولات محترفين، وتربع على عرش الإسكواش 50 شهرًا، ولكنه على الرغم من ذلك لم يأتي له ولا مرة راعي مصري، وجاءت له فرصة إنجلترا في اسوأ أوقاته رياضيًا، فقال: جولي في وقت ما كنتش في القمة والناس بتقول إني بنتهي.

وتحدث اللاعب عن الدعم الذي يحصل عليه من إنجلترا، وقال: بضايق وأنا بقول كدة.. الدعم اللي حاولت تاخده من بلدك وما خدتهوش، في شوية قلق وعارف إن ده قرار كبير جدًا، أنا في الآخر بحب بلدي وبحب مصر، وكانت أصعب حاجة في القرار ده نظرة الأطفال الصغيرة ليا، وفي الآخر أنا قدمت كتير لمصر، ولما جاتلي الفرصة كان لازم أخد القرار الصعب ده للأسف.