والدة بطل الجمهورية للمصارعة الرومانية: منعوه يسافر البطولة عشان الواسطة.. ومش عايزاه يبقى زي الشوربجي | بث مباشر

استغاثت والدة الطفل عمرو علي عطاء محمد، بطل الجمهورية في المصارعة الرومانية، وهو أحد طلاب الصف الثالث الإعدادي في محافظة المنوفية، بسبب تعرضه إلى الظلم والاضطهاد، نتيجة منعه من تمثيل مصر في إحدى البطولات بالخارج.

استغاثة والدة بطل الجمهورية في المصارعة الرومانية

وقالت والدة البطل عمرو علي، إن نجلها يحلم أن يحقق العالمية، ويرفع اسم مصر عاليا، ويكون من أبطال العالم في المصارعة الرومانية، وكان من المفترض أن يسافر خارج البلاد، ليمثل مصر في أحد بطولات المصارعة الرومانية، ولكن تم استبعاده من قبل المسؤولين، بسبب اختيار لاعب آخر غيره.

وتابعت حديثها: قالوا لنا نجهز الباسبور بتاعه عشان هيسافر قريب في بطولة، وبعد ما جهزنا كل حاجة لحد شنطة السفر؛ تفاجأت أنهم بيقولوا لي إنه مش هيسافر، ومعلش تتعوض السنة اللي جاية عشان في حد تاني هيسافر مكانه.

واستنكرت والدة البطل عمرو علي، قائلة: تم استبعاد نجلها من السفر للمشاركة في إحدى بطولات المصارعة الرومانية، رغم أنه من الأوائل في تجارب المنتخب، بالإضافة إلى أنه حصل على المركز الأول في 5 بطولات على مستوى الجمهورية، مردفة: نجلي حلم عمره أنه يرفع اسم بلده، ويوم ما يجي يحقق حلمه تكسروه كده؟.. ابني نفسيته بقت وحشة، وده على حساب واحد تاني هيسافر عشان معاه فلوس.

وأضافت، أن الشخص الذي تم اختياره لتمثيل مصر في إحدى بطولات المصارعة الرومانية بالخارج؛ مستواه أقل بكثير من مستوى نجلها، حيث أن نجلها تمكن من الفوز عليه من قبل بنتيجة 10-1، مختتمة حديثها: نجلي حِلم عمره أنه يمثل مصر، ومش عاوز يتجنس لأي منتخب تاني زي محمد الشوربجي.