المتهم بقتل نيرة أشرف: قررت أنتقم منها وأقتلها بعد ما هددتني وقالتلي هبعتلك بلطجية يبهدلوك | بث مباشر

تنظر محكمة جنايات المنصورة في محافظة الدقهلية، اليوم الأحد الموافق 26 من شهر يونيو الجاري، أولى جلسات محاكمة محمد عادل، طالب بالفرقة الثالثة في كلية الآداب بجامعة المنصورة، وذلك على إثر اتهامه بـ قتل الطالبة نيرة أشرف عمدًا، حيث أنه ذبحها من رقبتها بسبب رفضها الارتباط به.

محاكمة قاتل نيرة أشرف طالبة المنصورة

وقال محمد عادل المتهم بقتل نيرة أشرف أمام هيئة المحاكمة: اشتريت السكينة قبل ما أقتلها بـ 3 أيام، أنا يأست ومكنش في طريقة أخد بيها حقي منها، كانت بعتالي تهديد وقالت ليا هبعتلك ناس يبهدلوك، قبلها بيوم قررت إني لو ماخدتش حقي منها هي اللي هتأذيني، عشان كده قررت أسبق قبل ما هي تعمل فيا حاجة.

وتابع حديثه قائلًأ: أنا كنت واخد السكينة معايا عشان أدافع عن نفسي، وقولت لو حصل فرصة هنتقم لنفسي، أنا ندمان إني قتلتها عشان أذيت أهلي، وأهلها هما اللي المفروض يتساءلوا عن وضعها.

وأضاف المتهم بقتل نيرة أشرف، أنه قرر أن يقتلها لأنها رفضت أن تتزوج منه، مشيرًا إلى أنه ارتبط بها عاطفيًا في فترة ما، واكتشف في هذه الفترة أنها كانت على علاقة بشخص آخر غيره، فقال: كانت عارفة واحد عليا وبتروح معاه مرسى مطروح بعربيته عشان تدخل في مجال التصوير والشغل اللي كانت عاوزة تشتغله، نيرة مكانتش عاجبة أهلي أصلًا من الأول.