سيدة تستغيث بعد انهيار منزلها بسوهاج: بنام في الشارع أنا وعيالي ومش معانا فلوس | بث مباشر

شهدت مدينة طهطا شمال محافظة سوهاج، أمس الاثنين الموافق 22 من شهر أغسطس الجاري، واقعة انهيار منزل مكون من 3 طوابق، وما زال هناك جزء منه مُعلق لم يتعرض إلى الانهيار ولكنه معرض للسقوط في أي لحظة، لذلك استغاثت أسرة مكونة من 8 أفراد كانت تقيم داخل هذا المنزل بعد انهياره، حيث إنهم أصبحوا مشردين في الشارع ويقيمون دون مأوى لهم.

استغاثة أسرة بعد انهيار منزلهم في سوهاج

وقالت ربة الأسرة إنها كانت تجلس أمام المنزل ولاحظت اهتزاز أحد الشبابيك وسقوط قطع من الطوب، وبعدها أخبرت أبنائها أن يخرجوا على الفور من المنزل خوفًا من أن ينهار عليهم ويصيبهم ضرر.

وتابعت حديثها قائلة: أول ما خرجنا من البيت لقيناه وقع على طول، ودلوقتي خلاص بقينا قاعدين وبننام في الشارع وعيالي مش عارفين يروحوا الدرس ولا يعملوا أي حاجة عشان حاجتهم كلها جوا تحت أنقاض البيت.

وأضافت ربة الأسرة، أن زوجها يعمل كـ بائع متجول ولا يملك مصدر رزق أساسي له، مشيرة إلى أنه لا يعمل منذ شهرين بسبب تدهور أحوالهم المعيشية، حيث قالت: مش معانا فلوس نعمل البيت بتاعنا تاني وظروفنا على قدها.

وناشدت محافظ سوهاج والمسئولين أن يهتموا بأمرهم ويوفروا لهم مسكن حتى يقيموا به بدلًا من إقامتهم في الشارع، وقالت: عاوزة بيت عشان مقعدش أنا وبناتي وباقي عيالي في الشارع، حتى هدومنا مش معانا هدوم.