بث مباشر | فتاة تستغيث بعد طردها من دار رعاية كفيفات بمدينة نصر: مش عارفة أروح فين

استغاثت فتاة تدعى: نورا، بالمسئولين؛ بعد تعرضها للطرد من قبل مشرفة دار كفيفات في مدينة نصر؛ لتصبح بعدها في الشارع دون مأوى.

نورا تروي تفاصيل طردها من دار كفيفات في مدينة نصر

قالت نورا: إنها أخذت إجازة؛ لأن والدها كان مريضا، فذهبت لتراه وتطمئن عليه، ولكنها فوجئت بعدها، بإرسال الدار رسالة لها، بعدم دخولها الدار مرة أخرى، وهي إحدى دور رعاية الكفيفات في مدينة نصر.

وأضافت: بعد ما شوفت والدي؛ رجعت الدار، من الساعة 9 الصبح، وأنا واقفة على البوابة، وهما مش راضيين يفتحوا لي لحد بالليل، وأنا واقفة أمام البوابة في الشارع.

وأكملت نورا حديثها،  أن هذا الموقف أضر بها بشكل كبير، فهي ظلت جالسة في الشارع دون أن يفتحوا لها، مضيفة: كان في كاميرات أمام البوابة، وكنت سامعاهم وهما بيتفرجوا عليا ويضحكوا جوه، ومش راضيين يفتحوا لي.. أنا مش عارفة عملت إيه عشان ياخدوا القرار ده.

وواصلت نورا: مفيش أي رحمة ولا إنسانية.. أن بتمنى من أي حد بيسمعني؛ يحل لي مشكلتي؛ لأني محتاجة للمكان ده جدا، وبشهادة زمايلي الموجودين في المكان، أنا ما عملتش أي حاجة تستحق ده، ولكن أصحاب الدار حاطيني في دماغهم؛ لأني لما بشوف حاجة غلط، بتكلم وأدافع عن الحق، وهما مش عايزين كدا، وأضافت: بعد ما طردوني رافضين يرجعوا لي متعلقاتي الشخصية.. وأنا مش عارفة أروح فين وقاعدة في الشارع.