السيسي: اللي يعرف أنا بعمل إيه هو ربنا.. والدولة قدرت تطبطب على الغلابة | بث مباشر
قال الرئيس عبد الفتاح السيسي، رئيس الجمهورية، خلال مداخلة هاتفية مع الإعلامي يوسف الحسيني في برنامج التاسعة، المذاع عبر القناة الأولى، إن بناء الدولة يحتاج إلى تضحيات من جميع شعبها، مشيرًا إلى أن ما حدث في يناير 2011 و2013 يعرض أي دولة إلى الانهيار.
أبرز تصريحات الرئيس عبد الفتاح السيسي
وتابع الرئيس السيسي: أنا مش مضايق، أنا خايف على البلد، التجربة اللي عايشنها كانت قاسية أوي، أنا عايز الغلبان ينسى اللي كان فيه ويبدأ حياة جديدة، ولو قدرت أعمل 2 مليون شقة ليهم مش هتأخر.
وأضاف الرئيس السيسي، أن تكلفة مشروع حياة كريمة تتخطى ترليون جنيه، مشيرًا إلى أن الهدف منه هو تغيير حياة المصريين وليس الاستثمار، حيث قال: الشركات الموردة لـ مستلزمات الإنتاج رفعت الأسعار علينا، ورغم ذلك مكمل.
وأوضح الرئيس عبد الفتاح السيسي، خلال مداخلة هاتفية مع الإعلامي يوسف الحسيني، إن الأسرة المحبطة لا تفرز حب تجاه وطنها، متابعًا: القضاء على العشوائيات معناه إن الدولة طبطبت على أهلنا الغلابة اللي كان لازم الدولة تطبطب عليهم، إزاي أشوف أهلي مرميين في الشارع، اللي يعرف أنا بعمل إيه وبيساعدني هو ربنا.
وأشار الرئيس السيسي إلى أننا يجب أن نكون مخلصين وأمناء لـ بلدنا وندرس الملفات التي نتحدث بشأنها، مضيفًا: البلد وظروفها في حتة وكلام الآخرين في حتة تانية، لازم نبقى على قلب رجل واحد عشان نحل المسائل.
