أعز عندي من ولادي.. شخص يستغيث لعلاج نجل زوجته المصاب بمشاكل في الرئة: مش عاوز حاجة غير أنه يعيش| بث مباشر

استغاث شخص يدعى أشرف سمير، لأجل علاج نجل زوجته والذي يعاني من  تليف بالرئة، بعدما رفض استقباله 5 مستشفيات بمدينة القاهرة، مناشدا المسؤولين بضرورة علاجه خاصة مع تدهور حالته الصحية.

شخص يستغيث من أجل علاج نجل زوجته

وقال أشرف سمير، إنه قام بتربية نجل زوجته بعد وفاة والد الطفل، وهو ابن 9 أشهر، مؤكدا أنه منذ ذلك الوقت وهو يحرص على تربيته وتوفير سبل الرعاية له، رغن أنه يعمل في محل لإصلاح الأحذية.

وأضاف: أنا راجل شغال جزمجي، وأنا اللي مربي الولد من وهو عنده 9 شهور بعد وفاة والده.. ده أعز عندي من ولادي.. وبيعت تليفوني علشان أكشف عليه وصرفت اللي معايا كله.

وأكد أنه حاول العمل على توفير الأموال اللازمة لعلاجه حتى وصل به الأمر لبيع هاتفه المحمول، مؤكدا أن الطفل يعاني من مشاكل بالرئة، وحاول الذهاب به لأكثر من 5 مستشفيات حكومية، لكنها جميعا رفضت استقباله.

وتابع قائلا: لفيت بيه المستشفيات، ياخدوا مني فلوس الكشف والأشعة والتحليل وبعدين يخرجونا، الواد رئته بايظة.. وأي ورقة بفلوس، أنا مش عاوز حاجة غير إن الواد ده يعيش، روحت 5 مستشفيات الدمرداش، والساحل، والسيد جلال، وأبو الريش، والتحرير العام، في مستشفى التحرير العام طردوني بره.. وقالوا لي: ما فيش مكان ومش هنكتب لك ورق بكده.. الدكتورة شافت الأشعة وقالت لي: أنت صابر عليه كل ده إزاي.. طب انت بتخوفيني ولا بطمنيني.. طلبت منها تحجزه بالمستشفى عشان يتعالج.. ردت عليا: ما فيش مكان ورفضت تطلب لي الإسعاف، طيب أعمل ايه اسيبه هنا وأمشي، مش عارف؟! عاوز حل عشان الولد يتعالج.