شباب يوزعون وجبات مجانية على المحتاجين بحلوان: لوجه الله دون مقابل | بث مباشر

مطبخ جبر الخواطر.. مبادرة أطلقها مجموعة من الشباب في منطقة حلوان بالقاهرة لـ توزيع وجبات مجانية من الطعام على المحتاجين، حيث إنهم خصصوا جزءا من أوقاتهم من أجل مساعدة الفقراء لوجه الله دون مقابل.

شباب يوزعون وجبات طعام على المحتاجين مجانًا

وقال الشاب عمر رضا، أحد مسئولي مبادرة مطبخ جبر الخواطر، إنهم قرروا إطلاق هذه المبادرة من أجل خدمة ومساعدة جميع المحتاجين والفقراء على مستوى محافظة القاهرة بأكملها وليس منطقة حلوان فقط.

وواصل حديثه قائلًا: إحنا مجموعة شباب من حلوان لكن عملنا المطبخ ده عشان نخدم كل الناس اللي موجودة في القاهرة كلها، إحنا بقالنا أكتر من أسبوع شغالين في المطبخ، ولينا 5 سنين شغالين في أعمال الخير زي توزيع كراتين رمضان، مش بناخد تبرعات من حد عشان إحنا بنعمل حاجة لله ومش بنهدف للربح.

وأضاف الشاب عمر رضا، أنهم نفذوا فكرة مبادرة مطبخ جبر الخواطر في منزل أحد مؤسسي المبادرة، وقال: ماشيين بـ مبدأ القرش اللي بتطلعه لله بيرجع ليك 10 قروش، حالتنا على قدنا بس عاوزين نعمل حاجة لله عشان نساعد المحتاجين، بنوزع وجبات فيها رز ومكرونة وفراخ وخضار.

كما أشار إلى أنهم يوزعون وجبات الطعام المجانية يوميًا حتى الساعة الثالثة فجرًا، موضحًا أنهم يكونوا ملتزمين بـ مواعيد عملهم في الساعة السادسة صباحًا، ولكنهم لا يتأخرون عن فعل الخير ومساعدة المحتاجين أبدًا، مختتمًا: بنطعم الناس عشان يدعوا لينا ونساعدهم، ومش بنقبل فلوس من حد اللي عاوز يساعد يعمل زينا في منطقته.