السيسي: هناك محاولات لتضليل الناس بس أنا واثق في وعي الشعب المصري | بث مباشر

شهد الرئيس عبد الفتاح السيسي، رئيس الجمهورية، اليوم الاثنين 23 يناير 2023، احتفالية عيد الشرطة الـ 71، في مجمع المؤتمرات بأكاديمية الشرطة بالتجمع الخامس.

الرئيس السيسي يشهد احتفالية عيد الشرطة الـ 71

وقال الرئيس السيسي، إنه يتردد بأن الأزمة الحالية التي تشهدها البلاد هي بسبب المشروعات القومية، وتابع: هل كان ممكن قناة السويس اللي كان دخلها 4.5 مليون دولار في أحسن حالتها، ويجي النهاردة بعد 7 سنين يكون دخلها السنادي وصل لـ 8 ملايين دولار، هل كان ينفع نتجاوز ومنطورش القناة دي ومنستفيدش من الرقم اللي قولت عليه.

وأضاف السيسي في كلمته خلال احتفالية عيد الشرطة الـ 71: في محاولات دايما لتضليل الناس وياخدوهم في حتى تانية خالص، أنا عندي ثقة في الناس وثقة في الشعب المصري إنه شايف ده بس أنا بأكد عليه.

كما أشار الرئيس عبد الفتاح السيسي، إلى المشروعات القومية التي تم تنفيذها خلال الـ 7 سنوات الماضية، وهي ما تتناسب ما حجم وقدرة الدولة المصرية، مثل مشروعات تطوير الطرق والكهرباء والموانئ.

وتابع السيسي: مكنش ينفع نسيب حياة الناس كده، هل كان ممكن منقومش بتغير حياة الناس في مصر ونأجل الموضوع ده أو يتعمل على مراحل تاخدلها سنين طويلة؟ كل يوم بيعدي من غير ما تعمل فيه التغيير والإصلاح ده في حياة الناس في ناس بتتعذب وبتتألم وبتعاني، وأنا بتكلم هنا على المشاريع القومية.