منى ضحية العنف الأسري بالمحلة تنهار بالبكاء: عاوزه أتعالج نفسيا من اللي شوفته | بث مباشر
تعرضت سيدة تدعى منى محمد السعيد، تبلغ من العمر 45 عاما، للتعدي عليها بالضرب المبرح هي وطفليها، على يد زوجها، في مدينة المحلة الكبرى بمحافظة الغربية، وهو ما تسبب في إصابتها بإصابات بالغة في الوجه والرأس وتورم كبير أسفل عينيها، وكسور متفرقة بالفك.
سيدة تشكو تعدي زوجها عليها بالمحلة
وقالت منى محمد السعيد، ضحية العنف الأسري في مدينة المحلة الكبرى، إنها تزوجت أحد الأشخاص منذ شهر واحد بعد الانفصال عن زوجها الأول، لافتة إلى أن زوجها الجديد تزوجته منذ 28 يوما فقط، وعاشت معه طوال تلك الأيام رفقة أطفالها من زوجها الأول، وحاولت خلال تلك الأيام القليلة مساعدته من خلال دفع بعض المصروفات في المنزل.
وأشارت ضحية العنف الأسري في مدينة المحلة الكبرى، إلى أنها استيقظت منذ عدة أيام الساعة الـ 6 صباحا، على صراخ وبكاء طفليها، بسبب تعدي زوجها عليهما، لافتة إلى أنها فور تدخلها من أجل الدفاع عنهما، تعدى عليها بالضرب المبرح، وحين طلبت منه سببا لذلك رد عليها بقوله: هضربك انتي.. وأنا كنت متجوز قبلك اتنين.. بهدلتهم وكسحتهم وانتي التالتة.. وهكسحك وأموتك وهتقومي تعمليلي الأكل وتحطيه ليا.. وولادك يروحوا عند جدهم.
وتابعت: كنت بستناه على باب الشقة وهو راجع من الشغل.. وأقوله حمدا لله على السلامة.. وأبوسه وأحضر له الأكل.. ومش عارفه أنا عملت ايه أنا وعيالي.. وأطفالي جالهم انهيار من الضرب فيهم.. وبقيت أبوس إيده ورجله.. وأقوله ارحمني وكفاية ضرب.. وما عاملتوش غير بالحسنى ودا ما يرضيش حد.. واللي عمله ظلم.. والكسور في وشي والفك مش عارفه آكل ولا أشرب.
وأضافت ضحية العنف الأسري بالمحلة: كان بيعاملني بحقد وغل وقسوة.. أنا اتجوزته علشان أنا ست مريضة وعندي هشاشة في العمود الفقري.. واتجوزته علشان يكون لي راجل يكون ضهر يحميني ويكون ضهري وسندي في الدنيا.. وما طلعش لاسند ولا ضهر.. ودايما كان بينكد عليا وعلى ولادي ويقول لبنتي الصغيرة قومي يا عجلة من على الأكل كفاية.. دي بتاكل زي الحلوفة.. ولو عندها دم تقوم من على الأكل.
واختتمت بأنها تعاني وطفليها من أزمات نفسية بسبب التعدي عليهم بالضرب المبرح، مطالبة بالحصول على حقها من زوجها، قائلة: عاوزة حقي منه.. وحسبي الله ونعم الوكيل فيه.. وعاوزه أتعالج نفسيا من اللي أنا شوفته.. وولادي الأطفال طلبوا مني أطلق منه وقالوا لي: اطلقي منه كفاية ذل.
