صاحب محل يوزع ملابس بالمجان على مرضى السرطان برمسيس: لازم نرحم بعض ونساعد الغلابة | بث مباشر
أقدم صاحب محل ملابس يقع بمنطقة الجلاء في شارع رمسيس بالقاهرة، على إطلاق مبادرة لـ توزيع الملابس بالمجان على مرضى السرطان، ولم يكتف بذلك بل أنه يوفر أي قطعة ملابس بـ جنيه واحد فقط للفقراء والمحتاجين؛ وذلك للتخفيف عنهم وتوفير لهم ما يحتاجونه، وخاصةً في فصل الشتاء.
صاحب محل ملابس يوزع قطع مجانية لمرضى السرطان
ومن جانبه، قال الشاب أحمد أدهم، صاحب محل الملابس، إنه كل يوم جمعة يقوم بـ توزيع الملابس بالمجان على مرضى السرطان، وتوفير أي قطعة بـ جنيه فقط للفقراء والمحتاجين.
وواصل حديثه: كل يوم جمعة بساعد المساكين والمرضى، وممكن كمان لو حد محتاج يصرف روشتة أو يجيب أي دوا ومش معاه فلوس إحنا بنساعده وبنجيب له العلاج اللي هو عاوزه.
وأضاف صاحب محل الملابس، أننا يجب أن نساعد بعضنا البعض خلال الفترة الحالية، وبالأخص يجب مساعدة الفقراء والمحتاجين في محاولة لتوفير لهم ما يحتاجونه، قائلًا: لازم نحط إيدينا في إيد بعض ونساعد الغلابة لأنهم إخواتنا وأهلنا كلنا، وأتمنى من صحاب محلات الملابس يعملوا واحد للناس الغلابة.
وأشار إلى أنه لا يجب أن يسعى أي تاجر وراء المكسب والربح ويجب أن يخصص جزء مما لديه للفقراء والمحتاجين لمساعدتهم وتوفير احتياجاتهم اللازمة، قائلًا: عاوزين الرحمة للناس الغلابة، ومش لازم نكسب في كل حاجة بنبيعها لأن التجارة مع الله رابحة وربنا هيكرمنا على اللي بنعمله.
