سيدة بالمنيا تكشف تفاصيل لقائها بالرئيس السيسي: مكنتش مصدقة نفسي.. وبدعيله في صلاة الفجر | بث مباشر
كشفت أزهار ربيع حماد، موجهة بإدارة ملوي التعليمية، بمحافظة المنيا، تفاصيل لقائها بالرئيس عبد الفتاح السيسي، أمس الخميس، خلال زيارته لمحافظة المنيا.
الظهور الأول لسيدة المنيا صاحبة لقاء الرئيس السيسي أمس
وقالت أزهار: أنا فخورة بأني بعلّم أجيال، ومن تحت إيدي بيطلع كل الفئات، ولقائي بـ الرئيس السيسي كان حلم وبعتبر لقائي به امبارح تاريخ ميلاد لي.
وتابعت أزهار، في أول ظهور لها بعد لقائها بالرئيس السيسي أمس: مكنتش أتوقع إن رئيس دولة عظمى زي مصر يزور القرى المهمشة في الصعيد ويلتقي بالناس البسيطة، وأنا دايما بسميه الرئيس الإنسان والرئيس اللي بيجبر الخواطر.. أنا امبارح مكنتش مصدقة نفسي إني التقيت بالرئيس السيسي.
وأضافت سيدة المنيا صاحبة لقاء الرئيس السيسي أمس: في صورة للرئيس السيسي متعلقة في بيتنا، وعائلتي وأولادي كلهم بيحبوه، وبدعيله في صلاة الفجر زي ما بدعي لأولادي، وبقوله إحنا معاك يا ريس.
كما وجهت أزهار الشكر للرئيس عبد الفتاح السيسي على تطوير قرى الصعيد، حيث قالت: بنشكر الرئيس السيسي على تطوير قرى الصعيد، مكنتش متخيلة إني هعيش لحد ما أشوف التطوير دا بيحصل، وبنشكر الرئيس على الخدمات اللي قدمها لعلاج المرأة.. وبقول للناس رغم إن في غلاء أسعار للسلع إلا إننا لازم نحمد ربنا على الأمن والأمان اللي موفره لينا الرئيس عبد الفتاح السيسي.
