الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مقتل شاب طعنًا في مشاجرة ببورسعيد.. ووالدته: مات عشان كان بيدافع عن عيل صغير | بث مباشر

نشبت مشاجرة بالأسلحة البيضاء في منطقة تعاونيات الجيزة بمحافظة بورسعيد، أمس الخميس 30 مارس 2023، ونتج عن ذلك مصرع شاب يدعى يوسف طارق، يبلغ من العمر 18 عامًا، إثر إصابته بطعنة نافذة في القلب تسببت في وفاته على الفور.

مصرع شاب في مشاجرة بالأسلحة البيضاء ببورسعيد

وقالت والدة الشاب المجني عليه، إنها علمت أن نجلها لقي مصرعه طعنًا أثناء قيامه بالدفاع عن طفل في مشاجرة.

وتابعت: جالي تليفون إن ابني اتقتل في الشارع عشان كان بيخلص عيل صغير من خناقة، ابني اتقتل ليه ولا عمل إيه عشان عيل عنده 15 سنة يقتله.

وأضافت والدة المجني عليه، أن نجلها يوسف الضحية كان أصغر أبنائها ودائمًا ما كان يعاملها معاملة حسنة، حيث قالت: ابني حبيبي كان طيب وحنين ومعملش حاجة عشان يتقتل، كان بيحبني أوي وبيقولي على طول يا حببتي يا ماما، طول عمره غلبان وبيشقى عشان يجيب حاجته لنفسه.

كما أوضحت أن جنازة نجلها شهدت حضور العديد من الأهالي والأقارب الذين حرصوا على تشييع جثمانه إلى مثواه الأخير في مقابر العائلة.

وواصلت والدة المجني عليه: هي دي موتك يا يوسف تموت مقتول يا حبيبي، ابني سابني ومشي بسرعة وبطالب بحقه من اللي قتله وخده مني، يوسف كان أصغر ولد في عيالي كلهم وكان أطيبهم وعمره ما زعلني ولا كان ليه في المشاكل مع أي حد.