والدة مهندس مات دهسًا على يد شاب ببورسعيد: عايشة في نار من غيره وهفضل حزينة عليه | بث مباشر

أصدرت محكمة جنايات بورسعيد يوم الأربعاء الماضي 12 من شهر أبريل الجاري 2023، قرارًا يفيد بالسجن لمدة 3 سنوات لـ متهم أنهى حياة مهندس خطأ أثناء قيادته سيارته برعونة في بورسعيد.

مصرع مهندس دهسًا على يد شاب ببورسعيد

ومن جهتها، قالت والدة المجني عليها، إنها الآن بعد قرار هيئة المحكمة سوف تتمكن من النوم بشكل طبيعي بعدما كانت تسيطر عليها حالة من الفزع والحزن منذ وقوع الحادث في شهر يناير الماضي.

وتابعت: خلاص على الأقل هعرف أنام بليل لأني من ساعة الحادثة لحد دلوقتي وأنا مش بنام، عينيا على طول مفتحة وبتنزل دموع وبس، والحمد لله أنا خدت حق ابني في الدنيا من اللي حرمني منه وهاخده منه بردوا في الآخرة.

وأضافت والدة المجني عليه، أنها تعيش في حالة كبيرة من الحزن على نجلها المدعو علي والذي كان يبلغ من العمر 26 عامًا، بعدما رحل عنها نتيجة هذا الحادث المؤسف الذي تعرض لها وأودى بحياته.

واختتمت: العيد اللي جاي ده كأني معنديش عيد أنا عندي حزن.. حتى بنتي مش هتجيب لولادها الأطفال بيجامة عشان العيد.. عيلتي كلها قالولنا إحنا معندناش عيد.. عندنا حزن وهم تقيل وهم ابني اللي ربنا اختاره عشان يروح.. ابني راح مني وبقيت عايشة في نار من غيره.. وهفضل طول عمري حزينة عليه.

وتعود تفاصيل الحادث إلى يوم 13 من شهر يناير الماضي، عندما قاد المتهم مركبة آلية تحت تأثير المخدر، وتسبب في مصرع مهندس يدعى علي راشد إسماعيل خلف بالخطأ؛ وذلك كان بسبب إهماله لأن كان متعاطيًا موادا مخدرة وكان يقود بسرعة جنونية.