بتشتغل علشان تجيبلي علاج الكانسر.. والدة عروس طنطا تنهار بالبكاء أمام قبرها | بث مباشر

قالت والدة آية الشبيني المعروفة إعلاميا بـ عروس طنطا، إن عقلها لم يصدق ما حدث لابنتها وأن قلبها يكذب ما حدث لبشاعة الجريمة، موضحة أنه وبعد مرور 7 أيام على وفاة ابنتها وهي لا يغمض لها جفن ولا تنام بسبب الجريمة.

والدة عروس طنطا: مش بنام من يوم ما بنتي ماتت

وأكدت أنها تنتطر القصاص العادل والناجز من المتهم، الذي خان أمانة الحفاظ على ابنتها، مؤكدة أن ابنتها الضحية كانت تمتاز بالأخلاق والطيبة وعملت في حد مراكز الدروس الخصوصية من أجل شراء الأدوية لها خاصة وأن الأم حسب قولها تعاني من السرطان، وكانت تصطحبها إلى المستشفى لتلقي الرعاية الطبية.

وأضافت قائلة: مش بنام من يوم ما بنتي ماتت.. ومستنيين القصاص العادل.. مش مستوعبة لحد دلوقتي.. وكانت أحن حد عليا في الدنيا.. كانت تروح معايا المستشفى لأني مريضة كانسر.. وتجيبلي الأكل للسرير.. نفسي أعرف بنتي: بأي ذنب قتلت.. وما فيش مبرر يقتلها.. كانت بتشتغل علشان تساعدني.. وبتجيبلي العلاج للكانسر.. لما نزلت السوق يوم الجريمة.. ناس بتباركلي وناس بتعزيني.. طالب من طلابها جه مع زمايله وكتب على باب قبرها: المرحومة الأستاذة آية.

وتابعت: سألنا عليه الناس كلها شكرت فيه.. ودا كان قبل الخطوبة.. ولما ماتت قالوا عليه شاذ..لما كان يحصل بينهم مشاكل تقولي: ما تجيبش سيرته وهو قدري ونصيبي.

من جانبها، قالت جدة عروس طنطا، أن حفيدتها كانت تتمتع بالأخلاق العالية وحريصة على التواصل مع جميع أقاربها، مناشدة بضرورة القصاص من المتهم الذي باغتها وقلتها بطريقة وحشية.

وتابعت: ما كنتيش تستهلي اللي حصل معاكي يا آية.. مش هيكفينا موته.. كل اللي عاوزينه حقها.. علشان ترتاج في قبرها وفي رقدتها.. قلبنا واجعنا عليكي يا بنتي.. ومش هنرتاح غير بالقصاص.. ماتت شريفة وعفيفة.. بنتنا راحت لقبرها بنت بنوت... وصيته وهو بياخد بنتنا وقولت له: خلي بالك منها.