كل حاجة راحت مني.. علا غانم لـ القاهرة 24: اشمعنى حسن شاكوش الدنيا اتقلبت عليه لما طرد مراته؟
عبرت الفنانة علا غانم عن استنكارها الاهتمام بأزمة حسن شاكوش وزوجته بعد طرده لها، مشيرة إلى أنها تعرضت لأكثر من ذلك ولم تحدث ضجة مثلما حد مع مطرب المهرجانات.
وقالت علا غانم لـ القاهرة 24: الدنيا اتقلبت علشان شاكوش طرد مراته من شقتها وخد شبكتها، وسرق وصل أمانة طيب واللي اتسرق منها كل حاجاتها عادي وشقى عمرها عادي؟ هل ده منطقي.
وأضافت علا غانم: أنا ثقتي في ربنا والقضاء ثم في قيادة بلدي ليس لها حدود، وحسبي الله ونعم الوكيل في كل واحد ياخد شقى ست، مردفة: اللي خلعته ومع ناس تاني عايشين جوه بيتي وبينهشوا في هدومي ودهبي وكل حاجة، أنا فيه غُرب جوه بيتي.
ببدأ من الصفر واللي وصلت له هوصل له تاني
واستطردت علا غانم: أنا بخير وبستأنف حياتي وببدأ من الصفر واللي وصلت له هوصل له تاني، وواقفة على رجلي ومش ضعيفة والقوة دي اللي بيمدني بيها ربنا وإيماني به وثقتي في أن ربنا لا يمكن يخذلني لا يمكن أكون تحت الظلم والسلب والنهب وبيتسلب مني كل الأشياء، ومحاطة بمجتمع رجولي بحت والظاهر الوسايط مش بيتمشي غير مع الرجالة والرجالة يتخدم بعض، يعني معقول ست هتنول حقوقها لأ.. أنت اللي تنول كل حاجة مش هي خلعتك، هو وعدني لو سبته هيسلبني من كل حاجاتي وهو ده اللي بيعمله.
واختتمت علا غانم: أنا بخير وأول يوم تصوير ليا في حريم كريم الأربع الجاي وهعوض كل حاجة وهكون أحسن من الأول وبرضه حقي هيرجع ومش هسيبه.
شائعة وفاة علا غانم
وخرجت صباح اليوم شائعات تزعم وفاة علا غانم وهو ما أثار جدلًا على مواقع التواصل الاجتماعي، وردت على هذه الشائعات نقابة المهن التمثيلية، مؤكدة أنه لا صحة لتلك الشائعات.
