محمد عبد الرحمن يكشف تفاصيل أعماله الفنية المقبلة
كشف الفنان محمد عبد الرحمن تفاصيل أعماله الفنية المقبلة، وذلك بعد عرض فيلم البطة الصفراء أمس بالسينمات.
وقال الفنان محمد عبد الرحمن، خلال لقائه مع القاهرة 24، على هامش العرض الخاص لفيلم البطة الصفراء: أعمل الآن على تحضيرات فيلم جديد، وسيتم تصويره قريبًا، كما أستعد للمشاركة في عمل درامي جديد الفترة المقبلة مكون من 10 حلقات.
محمد عبد الرحمن: مو صلاح صاحبي جدًا
وكان الفنان محمد عبد الرحمن أعرب عن سعادته الشديدة عن تفاصيل الفيلم وظهور اللاعب محمد صلاح ممسكًا بـ بطة صفراء، قائلًا: هنشوف البطة الصفرا دي إيه مشكلتها، وإيه اللي عملته في الفيلم وأحداثه، ومحمد صلاح اتصور وهو ماسك بطة صفرا، أنا مش عارف هو عمل كده حقيقي ولا لأ، ومن أجل الفيلم ولا لأ، وهو صاحبي جدًا شرف ليا طبعًا، وفي الآخر الناس خدوها في الطريق ده.
محمد عبد الرحمن: أنا مش بنافس حد
وواصل محمد عبد الرحمن حديثه عن المنافسة التي جمعته مع كل الفنان محمد رمضان، والفنان محمد هنيدي في موسم أفلام الصيف، قائلًا: أنا مش بنافس حد وبتمنى كل يوم يكون في فيلم حلو، وإن شاء الله بإذن الله أكون عملت تجربة كويسة، ويكون حاجة ممتعة للجمهور أننا نتفرج على فيلم كويس، مش مهم المنافسة.
