أسرة طفل مصاب بضمور العضلات بالغربية: بيموت قدام عينينا.. وتكلفة علاجه 10 مليون جنيه | بث مباشر

استغاثت والدة الطفل أحمد محمد عيد، الذي يبلغ من العمر 9 سنوات من محافظة الغربية، الذي يعاني من مرض ضمور العضلات دوشين، مضيفة: حالة ابني بتدهور يوم عن يوم.

وقالت والدة الطفل إنها أجرت تحليل CBK وظهرت لها نسبة ضمور العضلات عند نجلها عالية جدا، فذهبت به إلى الطبيب وأخبرها أن علاج نجلها خارج مصر.

وأضافت والدة الطفل أحمد: فتحت حساب تبرع لابني وبناشد المسؤولين يقفوا جنب ابني، وتابعت: بيقف يبص على زمايله وهما بيجروا ويلعبوا في الشارع وبيبقى نفسه يجري ويلعب زيهم.

وقالت والدة الطفل: ابني نفسه يروح المدرسة زي زمايله لكنه مش عارف، أنا اللي بقف جنبه وبنقله من مكان لمكان هو مش بيعرف يتحرك لوحده.

وأكملت: بناشد المسؤولين وجميع القادرين يساعدوا ابني، لأن هو قدامه سنة واحدة بس وبعدها هيعجز عن المشي تماما.

وأشار والد الطفل أحمد إلى أن نجله مريض بمرض دوشين، وهو مرض يأكل في عضلات ونجله طوال الوقت، وأن نجله إذا أتم 10 سنوات فإنه لن يستطيع المشي مرة أخرى ومن الممكن أن يفقدوا نجلهم، مضيفا: صعب اننا نشوف ابننا وهو بيموت ومش قادرين نعمله حاجة.. ابني محتاج علاج بـ 10 مليون جنيه علشان يتعالج، وأنا مقدرش على المبلغ دا ونفسي الناس تساعدني علشان ينقذوا ابني.