حسيت إنه عايز يموتني.. أقوال المتهم بإنهاء حياة مهندس باستخدام جرافة لودر بالتجمع | بث مباشر

أدلى المتهم في قضية إنهاء حياة مهندس بمنطقة التجمع الخامس، باعترافاته أمام جهات التحقيق على خليفة اتهامه بإنهاء حياة المهندس سالف الذكر باستخدام جرافة لودر.

وكانت منطقة التجمع الخامس، شهدت واقعة إقدام سائق لودر على إنهاء حياة مهندس دهسا من خلال قيادته لودر كان يعمل عليه داخل أحد المواقع تحت الإنشاء بمنطقة التجمع.

أقوال المتهم بإنهاء حياة مهندس بالتجمع الخامس

وحاول المتهم بإنهاء حياة المهندس فادي بالتجمع، تبرير ما فعله بأنه تعرض لأعمال سحر أدت به لارتكابه تلك الواقعة، وإنهاء حياة المهندس فادي بعدما علم بأنه كان يمارس أعمال سحر ودجل.

وقال المتهم: اللي حصل إني من صغرى وأنا بيتعملى أعمال سفلية ومش عارف أخلص منها لحد دلوقتي، ولما رحت الموقع من 10 أو 11 يوم شوفت المهندس فادي وکنت بحاول اتجنبه وامبارح عرفت أنه بتاع أعمال سفلية، فأنا كنت شغال باللورد في الموقع ولقيت ممدوح قاعد مع المهندس فادي قدام العمارة اللي شغال فيها المهندس فادي، وحسيت إنهم بيبصولي وأن المهندس فادي بيتكلم عليا وعايز يمشينني.

وأستكمل المتهم قائلًا: استنيت الأستاذ ممدوح يمشي من المكان، وأول ما لقيت المهندس فادي ماشي قدام العمارة اللي جنب العمارة اللي هو شغال فيها لوحده رحت رايح عليه باللودر وخبطته بسقف سكينة اللودر في صدره من ناحية اليمين فوقع على ظهره، وبعد كده عدلت سكينت اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تاني، وبعد كده لقيت واحد بيجري عليا وبيزعق.

وأكد المتهم من خلال التحقيقات، أنه توقف عن التعدي على المهندس المجني عليه بالضرب باستخدام جرافة اللودر بعدما سمع صوت أحد الأشخاص بموقع العمل وهو يصرخ ويطلب منه التوقف عن هذا الفعل، قائلًا: كان خلاص نزل من رأسه دم كثير ومن ودانه، فأنا تأكدت أن هو توفى فأنا فضلت واقف فوق اللودر، وبعد كده الناس نزلتي ودخلوني جوه العمارة لحد ما الأمن جه وفضل يستجوبني، وقالی خبطته قولتله اه خبطته قالي عن قصد قولتله اه، ولما سألني ليه قولتله أنا حسيت إن هو عايز يمشيني من الموقع أو يموتني فأنا قولت أموته.