خلص عليه بسبب 100 جنيه.. أرملة شاب قتل على يد صديقه بكفر الشيخ: كان معتبره زي أخوه | بث مباشر

شهدت قرية شماس عمير التابعة لمركز قلين في محافظة كفر الشيخ، واقعة إنهاء حياة شاب على يد صديقه بسبب خلاف على مبلغ مالي.

أرملة الشاب المجني عليه تكشف التفاصيل

قالت أرملة الشاب المجني: الخلاف كان على 100 جنيه، والمتهم صديق زوجي وشاغلين سوا وجيران، والخلاف بدأ لما زوجي كان بيحاسب المتهم وتبقى من الحساب 100 جنيه، كان أعطاها المجني عليه لوالدته علشان كانت محتاجاها.

وأضافت: اتخانق معاه علشان 100 جنيه.. جوزي قاله هديهالك بس مش معايا فلوس دلوقتي، لأنه كان اداها لوالدته علشان كانت محتاجاها.

وأوضحت الزوجة أن زوجها ذهب ليجلس مع أحد زملائه في الشارع، وبعدها سمعت صراخ لتذهب بعدها وتجد زوجها غارقا في دمه، حيث اعتدى عليه المتهم وقتله، مضيفة: كان بيعتبره زي أخوه وكان شغال معاه وبيساعده ويديله فلوس.. وأم المتهم وأخوه قالوا إنه كان بيسن السكينة بقاله أسبوع، ويوم الواقعة شوفت المتهم قبل ما يقتل زوجي وكنت عايزة أبعت معاه ابني يوديه لأبوه لكنه كان شكله غريب ومردش عليا.

وأشارت إلى أن زوجها كان يعمل عامل محارة، وليس لديها أي مصدر دخل آخر، مضيفة: يتم ولاده بعد ما كان بيعتبره زي أخوه ومش عارفة هعمل أي من بعده.