أحد المتضررين من حريق عقار في شبرا: جهاز بنتي اتحرق بالكامل | بث مباشر

نشب حريق اليوم الجمعة، بالطابقين الثاني والثالث من عقار مكون من 4 طوابق في شارع جسر البحر بمنطقة شبرا مصر بالقاهرة، وعلى الفور تم الدفع بـ 3 سيارات إطفاء للسيطرة على الحريق وإخماد النيران.

حريق عقار مكون من 4 طوابق في شبرا مصر

وقال عادل أحمد، أحد المتضررين من الحريق، إن الحريق نشب في الصباح الباكر اليوم، وبالتحديد في الساعة الثامنة والربع تقريبًا، وعلى الفور أبلغوا قوات الحماية المدنية والجهات المعنية.

وأضاف: صحينا انهاردة الصبح الساعة 8 وربع على حريق في البيت عندنا.. للأسف حجم الخسائر عندي كبير جدًا.. شقتي كان فيها جهاز بنتي والنار مسكت فيه كله.

وأكد أحد المتضررين من الحريق، أنه خسر تقريبًا كافة محتويات شقته السكنية بالكامل إثر نشوب الحريق بها، قائلًا: أنا لسه طالع على المعاش وشقتي كانت مفروشة كلها وللأسف اتحرقت.. وجهاز بنتي العروسة اتحرق.. ونزلت من البيت بالهدوم اللي عليا وكنت حافي.

وأوضح أنه يقيم وأسرته في الشارع حاليًا عقب نشوب الحريق داخل شقتهم السكنية، ولا يملكون أي مأوى آخر يقيمون به، مختتمًا: عاوز مكان أقعد فيه أنا وعيالي بعد ما بقينا في الشارع بسبب إن شقتنا اتحرقت.. ومش أنا بس لوحدي فيه ناس من جيراني نفس الكلام مافيش ليهم أي مكان يعيشوا فيه.