نفسي نسدد ديوننا.. ملك سيدة التروسيكل بالغربية تروي قصة كفاحها: بننام ساعات من غير عشا |بث مباشر

شهدت قرية الدلجمون التابعة لمركز كفر الزيات في محافظة الغربية، قصة كفاح سيدة تدى ملك، تعمل على تروسيكل من أجل إعالة أسرتها، وسداد الديون التي تعاني منها.

قصة كفاح سيدة تعمل على تروسيكل بالغربية

وقالت ملك إنها تعمل في هذه المهنة منذ سنوات، حيث تجمع الخردة على تروسيكل خاص بها، وأطلق عليها الجميع لقب سيدة التروسيكل، متابعة: لقيت هجوم عليا من الناس في بداية المهنة، وكلام الناس كسرني، وكانوا بيتريقوا عليا، ولكن كنت بعمل كل دا من أجل عيلتي.

وتابعت ملك، التي تبلغ من العمر 23 عاما،ب أنها تعمل في هذه المهنة منذ أن كان عمرها 18 عاما، وهي متزوجة ولديها ولد وفتاة، مضيفة: ابني عنده 3 سنين وبيلف معايا على التروسيكل في الشوارع.. اضطريت للشغل دا علشان أقدر أجيب لولادي ياكلوا، وأجيب لهم اللي نفسهم فيه.

وأشارت ملك إلى أن زوجها يعمل معها في نفس المهنة، وهي جمع الخردة، وأنه لا يتبقى من أثاثها سوى غرفة نوم واحدة فقط، وأنهم يعيشون جميعا في غرفة وصالة بالإيجار، مضيفة: بنكسب 100 أو 150 جنيه في اليوم، أو على حسب ما ربنا بيرزقنا، وكل همي إني أسدد الديون اللي علينا.. وساعات بننام من غير عشا بس بقول الحمد لله.

واستكملت ملك: نفسي أجيب تلاجة أحط فيها أكل لولادي حتى لو حتة جبنة، علشان لما أسيبهم أبقى مطمنة عليهم ويلاقوا أكل ياكلوه.