شقيق شاب ضحية خاله بشبرا الخيمة: خلص على أخويا عشان طمعان في شقته | بث مباشر
خيم الحزن على أهالي عزبة رستم التابعة إلى مدينة شبرا الخيمة في محافظة القليوبية، عقب أن لقي شاب مصرعه على يد خاله الذي أنهى حياته بطعنة في القلب، وذلك كان نتيجة وجود خلافات بينهما على شقة في عقار خاص بخاله.
مصرع شاب على يد خاله في شبرا الخيمة
وقال مصطفى شقيق المجني عليه، إن شقيقه كان عائدًا إلى المنزل في يوم الواقعة، وفوجئ بتعدي أبناء خاله عليه الذين طعنوه في أنحاء متفرقة في جسده، وعندما استطاع أن يفر هاربًا منه طعنه خاله طعنة نافذة في القلب أودت بحياته على الفور.
وأردف: الطمع هو السبب في موت أخويا.. البيت اللي اتخانقوا عليه ده أصلًا بيت ورثة ومولودين ومتربين فيه.. ولينا شقة في الدور التاني وأوضة في الدور الرابع جنب شقة خالي.
وأضاف شقيق المجني عليه، أن هناك خلافات نشبت بين شقيقه الضحية وخاله بسبب الغرفة التي كانت موجودة بجوار شقته السكنية بالطابق الرابع، لذلك اتفقوا على أن يبيعوا له تلك الغرفة حتى يتخلصوا من هذه الأزمة.
وتابع: عشان أريح دماغي من المشاكل اتفقنا نبيع الأوضة اللي جنب شقة خالي دي ليه.. بس هو مكتفاش بكده وعملنا مشاكل على الشقة اللي في الدور التاني عشان كنا سايبنها لأخويا عشان يتجوز فيها.
وأشار شقيق المجني عليه إلى أنه كانت تنشب خلافات بشكل دائم بين خاله على الشقة الخاصة بهم في المنزل، مختتمًا: خالي كان مصمم يمشينا من الشقة وكان بيهدد فينا.. وليلة ما قتل أخويا قالي لو أخوك دخل البيت تاني هخليك تشيله من على الأرض ميت وفعلًا ده اللي حصل.
