المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

قصة كفاح بائع حمص على كورنيش المنيا: بشتغل من وأنا في ابتدائي.. ومراتي مستحملتش ظروفي وسابتني | بث مباشر

قصة كفاح بطلها شاب يدعى محمد رجب، البالغ من العمر 31 عامًا، مقيم في محافظة المنيا، يبيع الحمص على عربة يقف بها أمام كورنيش النيل، بحثًا عن توفير مصدر رزق حلال له يستطيع أن ينفق منه على أسرته وأبنائه الثلاثة.

قصة كفاح بائع حمص على كورنيش المنيا

وقال الشاب محمد رجب، إنه بدأ يعمل منذ أن كان تلميذا في الصف الأول الابتدائي، حيث كان يعمل في ورشة تصليح سيارات ويتحصل على يومية، وبعد ذلك فكر في تأسيس مشروع خاص به.

وأردف: فكرت أعمل مشروع يكون بتاعي لوحدي عشان أشتغل براحتي وأعتمد على نفسي.. بدأت أبيع بلالين على كورنيش النيل وبعدين بقيت أبيع لعب أطفال.. لحد ما بقى عندي عربية ببيع عليها حمص.

وأضاف الشاب محمد رجب، أنه يعمل منذ 20 عامًا على كورنيش النيل في محافظة المنيا، إلى أن استقر على عمله في بيع الحمص، قائلًا: من ساعة ما بقيت أشتغل لوحدي وأنا حابب إني أعتمد على نفسي عشان مروحش لأي حد أقوله شغلني عندك.

وتابع حديثه: أنا شقيت وتعبت كتير من صغري لأني اشتغلت من وأنا في أولى ابتدائي لحد دلوقتي.. ومراتي سابتني عشان مستحملتش العيشة معايا بعد ما خلفت منها 3 عيال.. واتجوزت واحدة تانية وبقينا نساعد بعض في العيشة وإيدينا في إيد بعض.