أرملة أحد ضحايا انقلاب سيارة العمالة بالمنوفية تنهار باكية: متجوزين من 25 سنة ومليش غيره في الدنيا | بث مباشر

توفي 3 عمال وأصيب 15 آخرين في حادث انقلاب سيارة ربع نقل تقل عددا من العمالة الزراعية في منطقة السادات، نتيجة انفجار إطار السيارة، وذلك في محافظة المنوفية.

وقالت زوجة الضحية رجب، إنها كانت تساعده في مصاريف البيت، موضحة: كنت بنزل السوق وأشتغل أنا كمان علشان نقدر نعيش.. كان قلبي حاسس إن هيحصل حاجة، ومعندناش مصدر دخل تاني.. آخر حاجة قالهالي إني مفتحش الباب لحد مهما كان.

وتابعت الزوجة: مليش حد تاني غيره، وكان كل حاجة ليا في الدنيا ومتجوزين بقالنا 25 سنة ومعندناش أولاد وهو كان كل حاجة ليا.. قلبي بيتقطع ومن قلبي ببكي عليه العمر كله.

فيما قال شقيق الضحية رجب، إن أخيه يخرج يوميا من الساعة الثانية صباحا ولا يأتي إلا بعد المغرب، مضيفا أنه يتقاضى أجرًا باليومية 120 جنيها، مضيفا: الفلوس مش بيكفونا وأخويا راح ورغم دا كله مرجعش.

وتابع أن شقيقه يعمل في تلك المهنة منذ 20 عاما، وأن جميع الضحايا والمصابين من القرية نفسها، وبعض المصابين في حالة خطرة بين الحياة والموت.

واستكمل شقيق الضحية، أن نجل شقيقته أيضا مصاب وفي العناية المركزة، مضيفا: حصلهم حوادث قبل كدا وهما رايحين لنفس الشغل ولكن كانوا ينجون منها، ويصرون على تلك المهنة فهم لا يجدون غيرها.. مفيش أي مهنة تانية نروح لها.