ضربتني بالقلم وشوهت سمعتي.. زوج يستغيث من زوجته بالقليوبية: افترت عليا وأنا شقيان علشانها | بث مباشر
رد زوج يدعى إسلام الصعيدي، مقيم بقرية كفر شبين التابعة إلى مركز شبين القناطر في محافظة القليوبية، على الاتهامات التي وجهتها له زوجته وتسببت في الإساءة له وتشويه سمعته.
زوج يرد على اتهامات زوجته في القليوبية
وبدأ الزوج حديثه قائلًا: أنا بتأسف للناس كلها اللي تعرفني واللي متعرفنيش بسمعتي اللي بقت تدهور بسبب واحدة كنت عايش معاها بما يرضي الله.
وقال إسلام الصعيدي إنه كافح كثيرًا في حياته وكان يبحث عن سيدة ذات خلق طيب حتى يتزوج منها ويستكمل حياته معها، معلقًا: دخلت البيت من بابه عشان أدور على زوجة صالحة.. واللي اختارتها أبوها كان راجل غلبان وقولت مش مشكلة نشيل بعض.
وأضاف أنه جهز مسكن الزوجية ولم يقصر في أي شيء تجاه متطلبات الزواج حتى يتزوج من السيدة التي اختارها، لافتًا إلى أن خلافاته مع زوجته بدأت منذ أول يوم زواج بينهما.
وأردف: مراتي أسلوبها كان وحش معايا وبتعلي صوتها عليا.. وآخر واقعة حصلت بيننا كنت أنا قاعد من الشغل بقالي يومين وكنت نازل أقعد مع صاحبي الساعة 10 ونص بليل.. لقيتها بتقولي وأنت جاي هات معاك بـ 6 جنيه فينو.. فـ سألتها مقالتش ليه بدري عن كده ليه عشان الوقت اتأخر وأنا بجيب الفينو من وسط البلد عندنا.
كما أوضح إسلام الصعيدي، أن زوجته انفعلت عليه وأهانته بألفاظ غير لائقة، وعلى الرغم من ذلك فإنه أحضر لها عيش الفينو مثلما طلبت عندما عاد إلى المنزل ليلًا.
وأشار إلى أنه في اليوم التالي وجد زوجته لا تريد أن تتحدث معه بسبب ما حدث في الليلة الماضية، قائلًا: كنت بكلمها مردتش عليا ودعت عليا وقالتلي يا رب ما تُرزق أبدًا ولا حد يرضى يشغلك.. وأنا بشقى وبخرج أبات 3 أيام في الشارع عشان أوفرلها كل طلباتها.
واستكمل أن المشادة الكلامية بينه وبين زوجته تطورت إلى حد المشاجرة بالأيدي، حيث تعدت عليه زوجته وصفعته على وجهه، مختتمًا: أخوها بيحرضها عليا وأنا عمري ما قصرت معاها هي وعيالي ورغم كده هي اتهمتني إني مبصرفش عليها.
