والد الشناوي يرد على علاقته بحكَمة مباراة كأس العالم: ابني ملوش في الكلام ده | بث مباشر

رد الحاج سيد الشناوي، والد محمد الشناوي حارس الفريق الأول لكرة القدم في النادي الأهلي ومنتخب مصر، على تعليقات المصريين المتداولة على حكم مباراة النادي الأهلي التي أُقيمت ضمن منافسات بطولة كأس العالم للأندية 2023.

رد والد الشناوي على علاقته حكم مباراة كأس العالم

وقال والد محمد الشناوي: الموضوع مش محتاج الكلام ده كله خالص.. وأنا شوفتها مع ناس كتير بردوا بتسلم عليهم في المباريات ومن الواضح إن هي طبعها كده.. لكن الكلام اللي بيتقال ده مينفعش والشناوي ابني ملوش في الكلام ده خالص وبعيد عنه.

وأضاف الحاج سيد الشناوي، أن حكم المباراة نشرت أنها متزوجة ولديها 3 أبناء، وذلك جاء بعدما تابعت ردود فعل المصريين وتعليقاتهم عليها بعد مباراة النادي الأهلي في بطولة كأس العالم للأندية، معلقًا: أنا عارف ابني كويس وهو ملوش في الكلام ده والموضوع مش محتاج كلام.

وتطرق الحاج سيد الشناوي إلى الحديث عن العروض المقدمة إلى نجله في الفترة الأخيرة من أجل الحصول على خدماته وانتقاله من النادي الأهلي، حيث قال: العروض كتير من السنة اللي فاتت لحد دلوقتي.. ولكن الشناوي ابن النادي الأهلي وإحنا عندنا مبدأ إن مهما جاله من عروض وإغراءات لازم يكون برضا النادي بتاعه.

كما أوضح أن نجله محمد الشناوي ترك القرار الأخير في العروض المقدمة له من بعض الأندية، في يد مجلس إدارة النادي الأهلي برئاسة الكابتن محمود الخطيب.