بعد تعرضها لهجوم إلكتروني على إنستجرام.. طليقة محمد فرج: مش هسكت وحقي هاخده بالقانون | فيديو
تعرضت البلوجر نوران نصر طليقة محمد فرج، إلى هجوم إلكتروني على موقع تبادل الصور والفيديوهات إنستجرام.
البلوجر نوران نصر تتعرض لهجوم إلكتروني
ونشرت البلوجر نوران نصر عبر خاصية ستوري في حسابها الشخصي على إنستجرام، مقطع فيديو لها وهي تقول إنها لن تصمت مرة أخرى بعد حذف حساباتها ومنشوراتها الدعائية من على مواقع التواصل الاجتماعي.
وتابعت: آخر فيديو ليا مع الشركة اتحذف بنفس الطريقة اللى كانت بتتشال بيها صوري في الأكونت القديم.. ومكنتش بفهم الطريقة دي بس دلوقتي فهمت.. كنت بسكت كتير قبل كده لكن المرة دي مش هسكت.. وهيكون ليا رد فعل قوي والبادي أظلم.
وأكدت البلوجر نوران نصر طليقة محمد فرج، للجمهور أن هناك شخصا معروفا تعمد حذف هذه المنشورات الدعائية، حيث قالت: أنا وأنتم عارفين مين اللى قفلي الأكونت القديم كويس.. والناس المؤذيين دول الاحترام والأدب مش نافع معاهم وهيترد عليهم بنفس الطريقة.. دول ناس مريضة ربنا مش هيسيبهم.
وأشارت البلوجر نوران نصر إلى أنها سوف تأخذ حقها بالقانون ممن كان السبب وراء تعرضها لهجوم إلكتروني في الآونة الأخيرة، معلقة: فيه قضاء مصري ومباحث إنترنت بتعرف تجيب حق أي حد كويس أوي.. والفترة اللي جاية كل حاجة هتبان بالقانون.
كما أوضحت نوران أنه كان هناك بعض الصور التي تُلتقط لها رفقة أسرتها وأصدقائها، وكان يتم إرسالها إلى بعض الأشخاص بأسلوب غير لائق، مضيفة: كانت ليا صور بتتصورلي مع صحابي ومع أهلى وكانت بتتبعت للناس وتحتها شتيمة ليا بأقذر الكلام.. أنا يا جماعة عرفت مين اللى عمل كده وكله هيبان ليكم بالقانون وبالمستندات الرسمية.
