انهيار والدة طالبة كفر الشيخ المقتولة على يد والدها: كانت الوحيدة اللي بتبوس إيده كل يوم | بث مباشر

أعربت والدة الطفلة المتوفاة بسنت. م، البالغة من العمر 12 عاما، عن حزنها الشديد لوفاة ابنتها على يد والدها، بعدما تعدى عليها بالضرب المبرح حتى الوفاة داخل منزلهم بعزبة سعيد التابعة لقرية إسحاق بمركز ومحافظة كفر الشيخ، مؤكدة أنه انهال عليها وعلى شقيقاتها بالضرب بسبب تنظيف المنزل.

وفاة طالبة على يد والدها بكفر الشيخ

وأضافت قائلة: أخته اتصلت بيا وقالتلي إن بنتي ماتت.. طلعت أجري في الطريق.. بنتي التانية سهلية قابلتني معرفتهاش من الضرب.. لقيتها بتقولي انتي مش عرفاني يا أمي.. وولادي هما اللي خرجوني من البيت علشان ما يضربنيش.. ودايما كانت بتبوس كل يوم على ايده.. والوحيدة اللي كانت بتعمل كدا معاه.

من جانبها، قالت الابنة الصغر للمتهم وتدعى يارا، إن والدها في صباح يوم الجريمة أخبرها بأن شقيقتها ستتسبب في دخوله للسجن، موضحة أنه تعدى عليها وعلى شقيقاتها ثم تعدى بالضرب المبرح على شقيقتها حتى فاضت روحها.

وتابعت: لقيت أبويا بيقولي يا يارا.. بسنت هتوديني النهاردة السجن.. وبعد شوية لقيناه بيضرب فينا احنا التلاتة بالخرطوم.. وبعدين غرقنا مايه ونزل فينا ضرب.. وضرب أختي بالرجل.. وقعد يقولها فوقي أنا عارفك إنك بتعملي الحركات دي زي أمك.. وبعدين كتم نفسها وضربها بالأقلام لحد ما ماتت.. وقبل كدا قطع نص ودان أخويا سفيان.

وناشد شقيق المتهم بضرورة إعدامه خاصة وأنه دائم التعدي على زوجته وأطفاله دون وجه حق ودون سبب يذكر، قائلا: احنا تعبنا معاه.. ودايما بيضرب الست الغلبانة دي من يوم ما اتجوزها.

في سياق متصل، قررت جهات التحقيق بمحافظة كفر الشيخ، عقب التحقيق في واقعة مقتل طالبة عمرها 12 عاما، على يد والدها في عزبة سعيد التابعة للوحدة المحلية لقرية إسحاقة بمركز ومحافظة كفر الشيخ، عدة قرارات بشأن الواقعة، ومنها حبس المتهم محمد.ع، وشهرته الصاروخ عمره 42 عاما، والد الطالبة بسنت 4 أيام على ذمة التحقيقات.

وطالبت جهات التحقيق التحفظ على الجثمان، بمشرحة مستشفى كفر الشيخ العام، تحت تصرفها، وانتداب أحد الأطباء الشرعيين لتوقيع الصفة التشريحية على الجثمان؛ لبيان سبب وكيفية الوفاة ومدى مطابقتها مع ما ذكره الأب في محضر جمع الاستدلالات بمركز شرطة كفر الشيخ، وما اعترف به أمام جهات التحقيق، كما أمرت بطلب تحريات إدارة البحث الجنائي بمديرية أمن كفر الشيخ حول الواقعة وظروفها وملابساتها وقوفًا إلي حقيقتها.