طليقة نجل شقيقة حلمي بكر تنهار بالبكاء: عاوزة تطردني أنا وحفيداتها من البيت| بث مباشر

انهارت نهى مجدي   طليقة نجل شقيقة الراحل حلمي بكر، خلال مقطع فيديو نشرته عبر صفحتها عبر مواقع التواصل الاجتماعي، بسبب المأساة التي تعيش فيها وبناتها بسبب حماتها، مؤكدة أنه تضهدها بشكل كبير وتظلمها بسبب مشاكل أسرية.

نهى مجدي طليقة نجل شقيقة الفنان الراحل حلمي بكر

وروت نهى مجدي، مأساتها قائلة: أنا مخضوضة من اللي شايفاه من الناس، أنا نهى مجدي أول مطلقة تستغيث بالسوشيال ميديا للحصول على حق بناتها، وكانت قضية رأي عام من 5 سنين، والقضية ضد أبو بناتي وحماتي اللي هي جدتهم، أنا شوفت منكم ظلم وافترى كتير.. يا رب يكون ده وقتكم الحقيقي لكشف ستره عنكم، وتظهروا على حقيقتكم، وحكمة ربنا إني أقع معاكم ووالدي ووالدتي وأخويا متوفيين عشان أحس أني عادي في أي وقت أتكلم عادي، أنتو بتقولوا في عزاء حلمي بكر لما جت سيرتي، الدور عليها وعلى عيالها، الدور علينا إنكم تطلعونا من الشقة زي ما باعتين بتهددونا من شهر؟.

وتابعت قائلة: أنا باخد الـ 3 آلاف جنيه النفقة بقالي 5 سنين، ومش بتزيد برغم الغلاء، ومقدرش أنكر أن أبو بناتي قليل الحيلة ومتهدد ومامته ممضياه على وصولات أمانة لأسباب مقدرش أقولها، وعشان أبو بناتي اللي أمه مهرباه ومقعداه في دهب أغلب الوقت، مقدرش أقول عليه حاجة، لأن أمه مخلياه يعلمها توكيل عشان تاخد ورثه، وعايزة تخرجنا من الشقة.

وأضافت قائلة: غير انكم كنتوا بتضحكوا وبتهزروا في العزا، أنتو بتتوعدوا للي جاي، طب أنتو هتستفيدوا إيه لما تطلعوا بناتي من الشقة، أتقي الله في عافيتك وفي أولادك، بقالنا 12 سنة متطلقين وكذا مرة طليقي يحاول يرجع لي وأنتِ ترفضي، بس إيه ذنب بناتي، مين هيربيهم؟.. وبرضوا مفكرتوش في بنت حلمي بكر وعايزين تحبسوا أمها، مين هيربيها؟، كل ده عشان حماتي مش قادرة تنسى إني اتجوزت ابنها من غير رضاها، وربنا عالم إني معايا أدلة كتير بس مش قادرة أفضح ولايا، متضعطوش عليا عشان هفضحكم، وهزعل من نفسي أوي، سيبيني أنا بناتي في حالنا.