خوف هستيري.. حمادة هلال وأحمد فهمي في رامز جاب من الآخر
وقع الفنان حمادة هلال والفنان أحمد فهمي، ضحايا الفنان رامز جلال في برنامجه رامز جاب من الآخر، وشهدت الحلقة العديد من اللقطات المثيرة.
وبدأت الحلقة بسخرية رامز جلال من أحمد فهمي، وحمادة هلال، قائلًا: واحد كان بيغني شعبي واتجه للرومانسي والنحنحة، والثاني خلع من فرقته وسابها متسوحة، وعينهم زاغت وراحت للتمثيل، واحد استحلى نفسه وقال أنا محمود قابيل، والثاني علشان طلع ملاكم في فيلم قال هكون للسقا بديل، واحد عامل فيها برنس الأشباح، وعمال يحضر في عفاريت وأرواح، والثاني مش مكفيه الهبش من التمثيل والأغاني، فتح محل كفتة وكباب ووشه اتملا هباب، معانا ومعاكم حاتي الفن ومداح الدراما، كبابجي الأغنية والمطرب المخاوي.
كما وجه رامز جلال، الاتهامات لـ أحمد فهمي وحمادة هلال، قائلًا: أنتوا الاتنين متهمن بالجمع بين مهنتين، الغناء والتمثيل، والممثلين مش لاقية تاكل، أنتوا تنسوا التمثيل خالص.
أحمد فهمي في برنامج رامز جاب من الآخر
وشهدت حلقة برنامج رامز جاب من الآخر، خوف هستيري لـ الفنان أحمد فهمي، من جميع الحيوانات التي ظهرت في فقرات البرنامج، وعلق الفنان رامز جلال ساخرًا: فريق واما راح فين؟ نزل درجة تانية؟ شكلك وحش قصاد المزز، الدراع ده يتخض؟ لوك عالمي ذقن الخديوي إسماعيل، إحنا عارفين انجازتك كلها محلات جزارة، نادر حمدي بيلحن وأنت قاعد تلم فلوس.
حمادة هلال في برنامج رامز جاب من الآخر
وظهر الفنان حمادة هلال بشجاعة كبيرة، في مواجهة حيوانات رامز جلال، خلال فقرات برنامج رامز جاب من الآخر، وسخر منه رامز جلال قائلًا: يا عم المداح ما تستخدم قدراتك، حمادة بيحاول يقول التعويذة.. آخرك معايا المداح السنة دي، أنا مش عايز تعاويذ.
ورد حمادة هلال على رامز جلال: انزل بس.. متهرجش يا رامز أنت جايبني تمرمطني.. البنطلون لازق مش عايز أقوم شكلي وحش.
وانتهت أحداث حلقة برنامج رامز جاب من الآخر، بغناء أحمد فهمي وحمادة هلال لـ رامز جلال، وسط تصفيق فريق العمل.
