الأحد 16 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

استغاثة أهالي الإسماعيلية المتضررين من انهيار جسر الترعة: الماية دخلت علينا البيوت وجهاز البنت راح| بث مباشر

تواصل الجهات المعنية في محافظة الإسماعيلية، أعمال شفط المياه من المنازل، وذلك بعد انهيار جسر ترعة الإسماعيلية.

استغاثة أهالي الإسماعيلية المتضررين من انهيار جسر الترعة 

وقال أحد الأهالي المتضريين من انهيار جسر ترعة الإسماعيلية: جهاز بنتي اللي مجهزهولها راح كله ومش لاقيينه، وفيه ناس بيوتها اتهدت.

وأردف: بعد صلاة الفجر لقينا الماية داخلة علينا من الشباك، الماية كانت قوية جدا كانت بتاخد معاها أي حاجة وتمشي، ملحقناش ناخد حاجة من بيوتنا ولا هدومنا.. وبعد شفط المياه نص عفشنا وحاجتنا مش لاقينها.

ومن جانبه، قال أحد الشباب: من امبارح عشان أروح بيتي بروح غطس الماية منسوبها مرتفع أكتر من متر تقريبًا بكون مروح بيتي وخايف أغرق، ومش عارف أروح بيتي ولا أطلع عفشي وحاجتي من تحت الماية.

وأكد أحد أصحاب الأرض الزراعية، أنه يمتلك أرضا زراعية بها محصول القمح، ومنذ انهيار جسر ترعة الإسماعيلية اختفى المحصول أسفل المياه، قائلًا: زارع الأرض غلة "قمح" ومش شايفه من الماية.. الماية كلها غطته منسوب الماية مرتفع أكتر من متر.

وأردف أحد المواطنين: الساعة 6 الصبح الماية دخلت علينا البيوت ملحقناش ناخد أي حاجة كله خد عياله وخرج بالعافية.