الثلاثاء 18 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مرتضى منصور: الزمالك هينزل درجة تانية لو المجلس الحالي استمر.. وحسين لبيب بيشوه فيا | بث مباشر

حضر مرتضى منصور، رئيس نادي الزمالك السابق، اليوم الإثنين 22 أبريل 2024، جلسة الطعن ببطلان انتخابات مجلس إدارة نادي الزمالك الحالي، والتي عُقدت في المحكمة الإدارية العليا.

طعن بطلان انتخابات نادي الزمالك

وقال مرتضى منصور: انتخابات نادي الزمالك كانت كلها بلطجة وتزوير وإجراءاتها باطلة.. وحسام المندوه كان صادر ضده حكم باستبعاده من الانتخابات ورغم كده كان موجود في القائمة.

وتابع: أنا اتبرعت بـ 200 مليون جنيه لـ نادي الزمالك وكل ده مثبت في المستندات وقدمتهم للمحكمة.. وأنا اللي عامل عقد الأرض بتاعة النادي في 6 أكتوبر ودفعت فلوسه في 2003.

وأضاف مرتضى منصور: هدموا حمامات السباحة في نادي الزمالك ولما مشيت من النادي كنت سايب ملايين فيه.. وكانوا عاوزين مني أتابع قضية خالد بو طيب بعد ما سيبت النادي طب هو أنا فاضي ليهم!

واستكمل: الأهلي خد من الزمالك 16 بطولة في شهرين في كل الألعاب من بعد ما سيبت النادي.. والزمالك هينزل درجة تانية لو فضل على المنظر ده والمجلس الحالي استمر.. وحسين لبيب طلع في التليفزيون يشوه فيا.