رانيا يوسف تعلن دخولها قصة حب جديدة: مطلق وأكبر مني بـ 4 سنين
كشفت الفنانة رانيا يوسف، دخولها قصة حب جديدة، مشيرة إلى إنه يكبرها بـ 4 سنوات ومطلق.
وقالت رانيا يوسف خلال مداخلة هاتفية لها ببرنامج الستات مايعرفوش يكدبوا: أنا كنت قافلة الباب تماما لحد من 3 أو 4 شهور، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة.
وأضافت رانيا يوسف: لكن دلوقتي فيه إعجاب متبادل مع شخص، مواصفاته إنه متواضع جدًا، مكافح في حياته وبدأ من الصفر، وهو أب لـ ابن وحيد، ومطلق لكن واخد باله من ابنه وصديق لطليقته كويس، وعلاقتهم صحية، هو أكبر مني بـ 4 سنين، مش هلبس فستان فرح طبعا لأني بكره كل التقاليد دي.
رانيا يوسف: بشتغل مع مخرجين شايفين جمالي فقط
وسبق وتحدثت رانيا يوسف عن تعاونها مع مختلف أنواع المخرجين، وقالت خلال ورشة توجيه الممثل بـ مهرجان أسوان الدولي لأفلام المرأة التي أقيمت أمس: لما بيجيلي أني أعمل أوديشين مش بتكسف وبروح عادي أعمل، وأنا لقيت أني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه، والمخرجين اللي شايفين اللي جوا مش الشكل الخارجي بس، قليلين أوي، وعشان كدة للأسف معظم شغلي طول الوقت مع مخرج شايفني ست شكلها حلو من وجهة نظره.
