رانيا يوسف: مكنتش هشارك في أي حاجة لرمضان ومسلسل بقينا 2 دخل دخول مفاجئ| فيديو
قالت رانيا يوسف خلال ورشة توجيه الممثل بـ مهرجان أسوان الدولي لأفلام المرأة: مكنتش هشارك في إي حاجة في رمضان، ومسلسل بقينا اتنين ومسلسل جريمة منتصف الليل مكانوش هيتعرضوا في رمضان، مضيفة: مسلسل بقينا اتنين دخل دخول مفاجئ والحمدلله عمل شغل كويس، ودة كان رؤية مخرج وتوزيع أنا مليش دخل فيها.
رانيا يوسف مكنتش هشارك في أي حاجة لرمضان
وأضافت الفنانة رانيا يوسف: أنا بشتغل مع كل المخرجين بس فيه مخرج بيكون شايفني من برا بس مش عايز يشتغل على الدور، بيكون عايز الاسم وست وفنانة شكلها لطيف، وفيه مخرج تاني بيشوف دة وبيشتغل معايا على الدور والشخصية، وأنا بشتغل معاهم كلهم معنديش مشكلة.
وقالت رانيا يوسف خلال ورشة توجيه الممثل بـ مهرجان أسوان الدولي لأفلام المرأة: لما بيجيلي أني أعمل أوديشين مش بتكسف وبروح عادي أعمل، وأنا لقيت أني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه، والمخرجين اللي شايفين اللي جوا مش الشكل الخارجي بس، قليلين أوي، وعشان كدة للأسف معظم شغلي طول الوقت مع مخرج شايفني ست شكلها حلو من وجهة نظره.
