انهيار والدة ضحية حادث عصام صاصا: خبطه من غير رحمة ومش هتنازل عن حقه| بث مباشر

سيطرت حالة كبيرة من الحزن على والدة الشاب أحمد مفتاح، البالغ من العمر 40 عامًا، والذي لقي مصرعه دهسًا على يد مطرب المهرجانات الشعبية عصام صاصا، في الحادث الذي وقع أعلى الطريق الدائري بالمنيب.

انهيار أسرة ضحية الدهس على يد عصام صاصا

وقالت والدة المجني عليه إن نجلها كان متجهًا إلى عمله في الصباح الباكر، إلا أنه تعرض للدهس على يد عصام صاصا خلال عبوره الطريق.

وتابعت: ابني معاه 4 عيال وكان طالع على لقمة عيشه الصبح.. خبطه بالعربية وهو بيعدي الطريق من غير رحمة وموته.. مش عشان هو مطرب يعمل فيه كده ويشيله من على الطريق.

وأضافت والدة المجني عليه أنها لا تستطيع أن تصدق أن نجلها فارق الحياة، كما أنها حتى الآن لم تخبر زوجته وأبنائه بوفاته، معلقة: مش مصدقة إن ابني مات ومقولتش لـ مراته عشان خايفة عليها من الصدمة.

وأوضحت أنها لن تتنازل أبدًا عن حق نجلها الذي لقي مصرعه دهسًا على يد مطرب المهرجانات عصام صاصا.

واستكملت والدة المجني عليه: عيال ابني هيعيشوا إزاي من بعده ده غلبان ومكنش عنده غير لقمة عيشه.. أصغر عيل فيهم عنده 3 سنين مين هيكبرهم ويربيهم من بعده.. وأنا مش هتنازل عن حق ابني عشان أرواح الناس مش لعبة.